CERNA Nº 81 - Emerxencia climática
Páx. 32
Um dos conceitos “de moda” nos últimos anos em muitas revistas científicas é o de ciência cidadá. Umha das definiçons mais acaídas seria a seguinte: a participaçom pública na investigaçom científica em aras de incrementar o conhecimento científico, pola qual a cidadania partilha informaçom e contribui com programas de seguimento e recoleçom de dados (Silvertown, 2009; Eitzel et al., 2017). Existem outras definiçons alternativas, que vêm a incidir mais no plano sociológico nuns casos e na vertente científica estrita noutros, mas a citada definiçom seria a que aglutina melhor todos os componentes estratégicos das açons.
CERNA Nº 41 - Especial: Urbanismo
Páx. 12
O que puido ser un punto de inflexión na educación ambiental no noso país, quedouse só nunha caricatura. O 9 de Novembro de 1999, aprobouse no Consello Galego de Medio Ambiente a Estratexia Galega de Educación Ambiental (EGEA), sen ningún voto en contra pero coa abstención de ADEGA. Esta abstención foi explicada con precisión e resultou premonitora: criticábase a diverxencia entre documento teórico e a política ambiental da Xunta, e dubidábase da intención desta de levar á práctica os seus contidos e recomendacións. Catro anos despois, estas dúbidas parecen plenamente confirmadas.
CERNA Nº 41 - Especial: Urbanismo
Páx. 18-19
O Mago Antón di que non sabería escoller entre Merlín ou Harry Potter. Asegura que serái como escoller entre un pai e un fillo, polo que ficaría coa experiencia do mindoniense e coa frescura de inglés. Coa tradición pero tamén coa innovación ás costas, o Mago Antón trae ilusión e alegría a todos os públicos que se deixan enguedellar polo meigallo da maxia. Velaquí os efectos para conseguirmos un mundo máis ecolóxico. Advertencia: esta entrevista está inzada de efectos, pero non vou ser eu quen os revele. Todo é cuestión de abrir ben os ollos. E abonda con soñar.
CERNA Nº 78 - ILP: Unha nova lei forestal
Páx. 41-42
Este artigo recolle os resultados dunha enquisa que contestaron 101 persoas que están ou estiveron vinculadas profesionalmente á educación ambiental (EA) en Galicia. O cuestionario buscou facer unha descrición socio-demográfica do campo e captar sinteticamente a situación profesional, ocupacional e social antes da crise (2007) e unha vez xa inmersas nela (2013), dando conta do impacto das políticas de austericidio e recortes.
Páx. 33-34
A natureza ofreceu, históricamente múltiples posibilidades de atención e actividade; foi obxecto de estudo, de preocupación, de disfrute, de atención artística, e tamén utilizada para o uso educativo. O excursionismo, contacto organizado coa natureza, pode recoller esas diversas posibilidades. Nesta ocasión atenderemos ao excursionismo escolar promovido por Tomás Rico Jimeno.
Páx. 38-39
No seguinte obradoiro proponse a realización de niños e comedeiros para aves, fomentando desde xeito a observación e a axuda ás aves.