Revista CERNA

Artigos de Ecoloxismo. Revista CERNA, medio ambiente e ecoloxismo da man de ADEGA

Soñando cos pés no chan

Xosé Veiras García

CERNA Nº 35 - -

Páx. 31-35

Porto Alegre, a capital do estado do río Grande do Sul (Brasil), volveu a ser a comezos de Fevereiro escenário do Fórum Social Mundial (FSM), "a asamblea dos pobos da humanidade" que se celebra simultaneamente e como alternativa ao fórum económico mundial de Davos, a reunión anual da elite do capitalismo. Baixo o lema "outro mundo é posíbel", máis de 50.000 homes e mulleres de todo o planeta xuntaron-se para luitar "contra a concentración de riqueza, a proliferación da pobreza e a desigualdade e a destrucción do noso planeta". No seu II FSM estivo presente o movimento ecoloxista galego através da Asociación para a Defensa Ecolóxica de Galiza (ADEGA).

A sustentabilidade nos concellos

Xosé Veiras García

CERNA Nº 34 - -

Páx. 12-13

Os Concellos deben xogar un papel destacado na promoción da sustentabilidade a nivel local. A Axenda 21 Local é un valioso instrumento ao que poden recorrer para mellorar a situación ambiental, fomentar o desenvolvemento ecoloxicamente sustentábel e fortalecer a democracia. Son xa moitos Concellos en todo o mundo que están a aplicar Axendas 21 Locais. No noso país, aínda que polo de agora moi timidamente, tamén se iniciaron procesos de Axenda 21 Local.

As Encrobas, Xove, Baldaio escenario de mobilizacións

Ramón Muñiz

CERNA Nº 36 - -

Páx. 9-10

Hai 25 anos a oposición política en Galiza tiña a cor verde, nas Encrobas, en Baldaio, en Xove, en Fruime, en Portodemouros,... Con este recordo queremos homenaxear aquelas colectividades que defenderon os seus dereitos a través dunhas loitas que foron realmente ecolóxicas, porque fixéronse contra a ruptura do equilibrio entre o home e a terra.

Ecoloxía no cotián: a auga no fogar

Ramsés Pérez

CERNA Nº 39 - -

Páx. 42-43

Analizamos como ten lugar o consumo de auga nos nosos fogares, coñecendo os erros para camiñar cara o cambio en base á propia experimentación e o "aprender facendo". Mudando hábitos, mellorando a vida. Posto que podemos afirmar que o consumo está moito por riba do que se precisa para unha vida confortábel, pero non o percibimos coma un problema ambiental. Nin sequera coñecemos cales son as actividades cotiás que provocan maior gasto. Abordamos estas cuestións.

Asemblea Xeral de ADEGA

Xosé Veiras

CERNA Nº 41 - Especial: Urbanismo

Páx. 14

Lugo foi este ano o escenario elixido por ADEGA para celebrar durante os días 27 e 28 de Marzo a súa asemblea xeral anual. Na cidade das murallas aprobamos o novo programa de traballo e fixemos un balanzo do labor desenvolvido ao longo do último ano, no que se traballou arreo en relación coa catástrofe do Prestige, sen por iso descoidar outras áreas. Os asistentes á Asemblea puideron constatar importantes avanzos no fortalecemento organizativo da asociación, froito do compromiso de todos os activistas e socios e socias de ADEGA, que fan posíbel que a asociación sexa un instrumento cada vez máis forte e útil en defensa do ambiente e á favor da sustentabilidade.

Daniel López Vispo

CERNA

CERNA Nº 41 - Especial: Urbanismo

Páx. 17

Daniel leva máis dunha década traballando sen descanso no ecoloxismo galego. O seu contacto con ADEGA ven de comezos dos pasados anos 90, ao implicarse na resposta veciñal e ecoloxista a diversas agresións ambientais, salientando as loitas contra o encoro de Navia, polo saneamento no Miño e a calidade da auga potábel en Lugo, ou contra o paso da Autovía do Noroeste polo Val do Neira. Xunto con outras persoas, impulsou á organización e o medre de ADEGA en Lugo, foi secretario xeral de ADEGA (1999 -2002) e actualmente é Vicepresidente.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal