Revista CERNA

Artigos de Enerxía e cambio climático. Revista CERNA, medio ambiente e ecoloxismo da man de ADEGA

Evidencia científica sobre o cambio climático no medio mariño, que hai de novo?

Elena Ojea

CERNA Nº 89 - Cabalos Salvaxes en Galiza

Páx. 12-13

A pesar de que o último informe do IPCC reincide sobre impactos xa coñecidos, agora tamén sabemos que os eventos extremos son por mor do cambio climático, que acadamos puntos de non retorno para moitos ecosistemas mariños, e que para todo isto é necesaria unha adaptación socialmente xusta e equitativa.

Fito histórico: ADEGA consegue paralizar cautelarmente tres parques eólicos de Greenalia

Uxía Iglesias / Redacción Cerna

CERNA Nº 88 - Galiza contra a vaga eólica

Páx. 9-10

A Xustiza fai cambalear a política eólica da Xunta de Galiza a golpe de sentenza, por incumprir as leis de avaliaciónambiental e de participación pública. Á anulación definitiva do repotenciamento do parque de Corme e dosparques eólicos Serra do Iribio no Courel e Sasdónigas I e II de Mondoñedo, súmase a paralización cautelar dosproxectos Bustelo, Campelo e Monte Toural de Greenalia, que supoñen vitorias xudiciais históricas ao producirseantes do inicio das obras e ao sentaren precedentes favorables para as organizacións sociais e ecoloxistas queloitan contra a invasión eólica.

Galiza mobilízase de novo contra a vaga eólica e por un modelo enerxético alternativo

Uxía Iglesias / Redacción Cerna

CERNA Nº 88 - Galiza contra a vaga eólica

Páx. 5-8

O 5 de xuño, Día Mundial do Medio Ambiente, e o 11 de decembro, Día das Montañas. Estas dúas datas volveron ser claves ao longo do 2022 na loita contra a invasión eólica en Galiza. O pobo mobilizouse masivamente baixo o lema “Temos alternativa! Por unha enerxía xusta e sustentábel. Por unha enerxía por e para o pobo” nunhas manifestacións convocadas pola Coordinadora Eólica Así Non, conformada por máis de 200 entidades repartidas por todo o país, entre colectivos e plataformas veciñais, ecoloxistas, culturais e sociais.

Denuncia ante a Comisión Europea polo incumprimento da normativa na tramitación de proxectos eólicos

Fernando Adolfo de Abel Vilela

CERNA Nº 88 - Galiza contra a vaga eólica

Páx. 11-12

A finais de agosto de 2022, ADEGA e a Coordinadora Eólica Así Non presentaron perante a Comisión Europea unha denuncia pola vulneración de diversas Directivas da Unión en materia ambiental na tramitación de proxectos eólicos en Galiza. Este artigo pretende expor as razóns que conduciron á formalización de dita denuncia e os seus contidos xerais.

As enerxías renovábeis mariñas en Galiza. Un camiño a percorrer, sen atallos nin trampas

Torcuato Teixeira Valoria

CERNA Nº 87 - Espazos protexidos e conservación de aves

Páx. 5-6

A pesca galega leva anos nunha profunda crise que non está motivada pola ausencia de recursos nas nosas costas, que os hai, é moitos, e tampouco porque falten bos barcos e boas infraestruturas nas lonxas, e por suposto, os mellores pescadores. Non. Esta crise, que cada ano destrúe barcos e postos de traballo, é unha crise que ten a súa orixe na feble xestión política que se fai deste sector primario. Unha xestión que, lonxe de aspirar a colocar este ramo esencial e básico como un actor relevante no xogo político, ponse de perfil á hora de exercer a influencia necesaria para tornar o actual estado de cousas.

O desenvolvemento das renovábeis e a protección da biodiversidade Haberá algún territorio libre de eólicos?

Fins Eirexas

CERNA Nº 87 - Espazos protexidos e conservación de aves

Páx. 7-9

A implantación no territorio das infraestruturas precisas para o funcionamento das enerxías renovábeis provocan unha serie de impactos negativos sobre a biodiversidade. No caso da enerxía eólica téñense demostrado efectos como a erosión do solo e a perda de hábitats, a alteración da dinámica hídrica e a mortalidade por colisión de aves e morcegos, alén do ruído e do impacto visual, entre outros; afeccións das que tampouco están exentos os parques eólicos mariños. Faise pois imprescindíbel para a boa planificación da ubicación de instalacións de xeración de enerxías renovables en Galiza, a elaboración dun mapa de zonas de exclusión que recolla criterios que permitan salvagardar a diversidade natural e manter os servizos ecosistémicos.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal