As "capturas incidentais" de zamborcas pola flota costeira de Galicia: o proxecto 1MARDEALOSAS

David José Nachón, Rufino Vieira-Lanero, Sandra Barca Bravo, Alejandro Pico, María del Carmen Cobo e Fernando Cobo

CERNA Nº 84 - Eólica mariña, unha alternativa?

Páx. 14-17

O sábalo e a saboga son especies anádromas moi parecidas, con reprodución fluvial e fase de crecemento mariño. Aínda que non son obxecto de pesca comercial, o seu comportamento gregario, formando cardumes, fai que sexan capturadas frecuentemente no medio mariño de maneira “incidental” entre as “capturas intencionadas”; feito que leva comprobándose dende hai varias décadas nas lonxas galegas. O proxecto 1MARDEALOSAS xorde coma unha oportunidade para avaliar o impacto desta actividade sobre as especies indicadas e ampliar o coñecemento da súa ecoloxía e distribución. Desenvolvido no medio mariño galego, os resultados permitirán establecer políticas e plans de xestión eficaces para a súa protección e conservación.

Emtrevista a José Luís López, presidente da Comunidade de Montes de San Martiño de Vilaboa

Redacción Cerna

CERNA Nº 84 - Eólica mariña, unha alternativa?

Páx. 18-19

A comunidade de Montes de San Martiño, nas inmediacións do Lago Castiñeiras, no concello de Vilaboa, está a acometer un intenso programa de deseucaliptización dos seus montes, con máis de 20 Ha en 2018 e continuación nos anos seguintes. As actuacións, segundo nos explica o seu presidente nesta entrevista, teñen o obxectivo principal de preservar os mananciais e van acompañadas de reforestación, micorrización para a produción de níscalos e boletus, o aproveitamento de castañas, e a posta en valor do patrimonio cultural.

Editorial

Cerna/Redacción

CERNA Nº 11 - -

Reflexión sobre diversos temas de natureza medioambiental que afectan á sociedade: o incremento da artificialidade do entorno, o impacto do Plan de Costas sobre as mesmas, a homoxenización que supón as concentracións parcelarias, así como a contaminación que produce a incineración de residuos promovida pola Xunta.

A concentración parcelaria a debate

Cerna/Redacción

CERNA Nº 11 - -

Páx. 11

Artigo introductorio á problemática da concentración parcelaria, que é un dos eixos centrais deste número da revista.

As concentracións parcelarias: unha arma de destrucción

Carlos Vales

CERNA Nº 11 - -

Páx. 12-13

Reflexión sobre a destrucción sobre o medio ambiente que causan as concentracións parcelarias, facendo ademáis unha análise de onde, como e para que estaría xustificada esta práctica, condicións que normalmente non se cumplen.

Presente e futuro dos Ancares

Xurxo de Vivero

CERNA Nº 14 - -

Páx. 21-23

O principal interés biolóxico dos Ancares está nas fragas e nos cumes, onde podemos atopar especies antropofóbicas, que tiveron que fuxir doutros territorios porque a presión humana os expulsou. O plan de reintroducción do oso pardo de pouco vai servir se non medran as fragas autóctonas e non se controla nelas a presión dun turismo caótico. Sería interesante desconxestionar a zona de reserva e considerar área turística toda a comarca, que ten atractivos suficientes e descoñecidos para moita xente.