Artigos de Conservación e biodiversidade. Revista CERNA, medio ambiente e ecoloxismo da man de ADEGA
As canteiras a ceo aberto: ilegalidade e destrución
Daniel López Vispo
Páx. 25-26
Que o Courel é un espazo natural privilexiado de paisaxes e historia é algo evidente para calquera visitante. Pero O Courel, que participa da influencia das rexións bioxeográficas atlántica e mediterránea, é, por riba de todo, un espazo natural privilexiado pola súa diversidade de flora e fauna, de enorme interese ecolóxico e científico, e privilexiado tamén por toda a historia xeolóxica e xeomorfolóxica que se manifesta na súas pedras de lousa e caliza e nas moduladas formas da súa paisaxe: pregues tombados, glaciarismo, periglaciarismo, meandros abandonados, ríos escavados, ríos que se ocultan, fervenzas que espertan, covas, dolinas… en fin, milenios da historia da terra resumidos nun espazo que antergos poetas da toponimia chamaron Courel. E milenios tamén da historia da humanidade home moldeando esa paisaxe nun mosaico de múltiples espazos de alongada historia que hoxe aínda podemos admirar nas ruínas dos castros, nas pedras dos camiños, na enxeñaría das regas, nas feridas das minas, e, en fin, en todo o abundante patrimonio etnográfico de muíños, mazos, ferrerías e formas construtivas do Courel.
Debate sobre as estratexias de conservación do lobo en Galiza. Belén Rodríguez
Belén Rodríguez
CERNA Nº 50 - CERNA x 50, 16 anos informándote. Especial incendios
Páx. 12 - 13
O pasado 30 de setembro e coincidindo co período de exposición pública do Plano de Xestión do Lobo en Galiza, Adega reuniu a ecoloxistas e estudosos galegos sobre o lobo no Castelo de Santa Cruz (Oleiros), nas instalación do CEIDA, para discutir os contidos do devandito Plano impulsado pola Dirección Xeral de Conservación da Natureza da Consellaría de Medio Ambiente.
Un programa de traballo para as áreas protexidas
Javier Puertas
CERNA Nº 54 - Viaxe ao Bidueiral de Montederramo
Páx. 18
EUROPARC-España é a Sección do Estado español da Federación de Parques Naturais e Nacionais de Europa. É unha organización na que participan as administracións públicas con competencias en materia de conservación da natureza e espazos naturais protexidos (ENP), e constitúe o principal foro profesional no que participan activamente técnicas, xestores e responsábeis destes para elaborar propostas para a súa mellora. Desde que nace, en 1993, desenvolve a súas funcións a través da Oficina Técnica Fundación Interuniversitaria Fernando Gonzáles Bernáldez, o instrumento legal e administrativo que lle dá persoalidade xurídia e que outorga o apoio académico para a toma de decisións na xestión.
As marismas
Henrique Niño Ricoi
CERNA Nº 54 - Viaxe ao Bidueiral de Montederramo
Páx. 21 - 22
As marismas son áreas do litoral, inundadas periodicamente polas augas do mar e pola descarga da auga que procede dos ríos. Debido as características tan particulares das marismas, a vexetación que alí nace ten que adaptarse a condicións extremas debido á salinidade da auga e á exposición e ao ambiente despexado e moi iluminado no que habitan. A disposición da vexetación configúrase por bandas tendo en conta o nivel de salinidade da auga e o substrato no que se asentan.
A conservación da fauna entomolóxica en Galiza
Pedro Álvarez
Páx. 42 - 45
Os insectos e os artrópodos (arañas, crustácesos...) son dos grupos faunísticos máis extensos, polo que o seu estudo é imprescindible. A cantidade de insectos e artrópodos existentes fai que a súa catalogación e conservación sexa complicada, e que cada día se descubran novos tipos sen catalogar. Tan só en Galiza estímase coñecer menos do 10% dos insectos que a poboan. Todo este traballo recae na entomoloxía, e lamentablemente, os medios dos que se dispoñen son moi escasos, o que favorece aínda máis ao descoñecementos destas especies.
Os morcegos de Galicia. Situación e retos de conservación
Roberto X. Hermida
Páx. 43 - 45
Os morcegos non gozan de boa fama na cultura galega, esa pode ser unha das razóns polas que hai tanto descoñecemento sobre estes animais, nin sequera a nivel científico se poden responder preguntas simples sobre estas especies. Inda que nos últimos anos se foi avanzando no seu estudo, descubrindo que son especies frecuentes en Galiza, que a conservación destes depende en bos medida dos refuxios e ribeiras fluviais ou que é preciso facer un esforzo específico para coñecer a distribución bioloxía e o estado de conservación das especies máis discretas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal