Revista CERNA

Artigos de Forestal e montes. Revista CERNA, medio ambiente e ecoloxismo da man de ADEGA

O Coutro da Eirexiña: custodia do territorio nos montes de Rebordelo

Ángel E. López, José Justo Vázquez e Miguel Leirós

CERNA Nº 81 - Emerxencia climática

Páx. 29-31

O Couto da Eirexiña é un proxecto de custodia do territorio que abrangue 172,66 hectáreas localizadas no monte comunal de Rebordelo, no concello de Cerdedo-Cotobade, e que ten como finalidade a conservación do bosque autóctono e a promoción dos valores naturais e culturais do monte comunal e da parroquia. O acordo de custodia asinouse entre a Comunidade de Montes de Rebordelo e ADEGA co fin de levar a cabo actividades de educación e voluntariado ambiental e guiar, por parte da entidade ecoloxista, nas prácticas de rexeneración e restauración do bosque autóctono e a posta en valor do patrimonio material e inmaterial da comunidade.

O piñeiro bravo (Pinus pinaster)

Xacobe Feijoo Lamas

CERNA Nº 33 - -

Páx. 31-32

Coñecido co nome común de piñeiro bravo ou piñeiro do país, tamén recebe os nomes comerciais de piñeiro galego, piñeiro negral e piñeiro das Landas. O piñeiro bravo é unha árbore de gran importancia ecolóxica e económica no noso país. Ten importancia o seu papel reconstructor e protector de ecosistemas, a súa madeira como materia prima e tamén o papel de elemento xerador de rendas complementarias ás da agricultura e gandeiría para ós propietarios do medio rural galego.

As organizacións incendiarias

Xesús Pereiras

CERNA Nº 36 - -

Páx. 28

Nunha serie de artigos publicados en "La Voz de Galicia", Romay Beccaría, ex-conselleiro de agricultura, gandería e montes, expuxo a súa visión do fenómeno incendiario na Galiza. No artigo publicado o 26 de Maio fixo unhas graves acusacións, cunha feble argumentación, inculpando como causantes da maioría dos incendios do país a organizacións incendiarias que pretenden o cambio da política forestal. Aínda que, curándose en saúde, o autor expón " Yo no digo, ni mucho menos que los grupos que reclaman cambios en la política forestal tengan que ver con las organizaciones incendiarias", todo o razonamento posterior parece indicar o contrario. Este artigo foi enviado por ADEGA a "La Voz", como contestación ao artigo de Romay, os responsábeis do xornal non estimaron oportuna a súa publicación.

O monte é vida, o lume morte

Xosé Santos Otero

CERNA Nº 39 - -

Páx. 27-30

O fenómeno dos incendios forestais converteuse en Galiza, debido á súa elevada frecuencia, intensidade e superficie afectada, nun dos maiores problemas ecolóxicos que sofren os nosos bosques, plantacións forestais e montes. Sen ningunha dúbida, trátase do maior factor de destrución da cobertura vexetal na nosa terra. Un dos retos medioambientais de Galiza para o século XXI é eliminar o problema dos incendios forestais, tanto pola súa incidencia medioambiental como pola destrución dun sector estratéxico para o conxunto do país.

Galiza arde

Xosé Veiras

CERNA Nº 42 - -

Páx. 40-41

Un ano máis, Galiza volveu arder. Segundo a Consellería de Medio Ambiente, ate mediados de Agosto xa tiña habido 8.500 lumes forestais, cando a media anual está a ser duns 11.000. Os datos oficiais indicaban que a superficie queimada era de 29.000 hectáreas, mais a superficie real semella aínda maior, segundo denuncian axentes forestais. A visibilidade mediática dalgúns incendios fixo que un problema que segue a ser grave volvese ao centro da actualidade, polo menos durante algún tempo.

Certificación forestal FSC

Xosé Vieiras

CERNA Nº 44 - Ríos: non máis encoros

Páx. 26-27

A certificación forestal é unha ferramenta de mercado, non gobernamental, para o fomento do uso sostíbel dos montes e dos bosques. Un dos sistemas de certificación existentes é o FSC. Non todos os sistemas de certificación forestal son iguais e só o FSC ten o apoio das principais organizacións ecoloxistas. O FSC promove en todo o mundo unha xestión forestal ambientalmente responsable, socialmente beneficiosa e economicamente viable. Optando preferentemente por produtos e empresas que acrediten ter o selo FSC axudamos á conservación e á explotación racional dos bosques.

Revista CERNA
Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal