Artigos de Educación ambiental. Revista CERNA, medio ambiente e ecoloxismo da man de ADEGA
Eira da Xoana. Proxecto “aldea verde”
Virxinia Rodríguez e Ramsés Pérez
CERNA Nº 54 - Viaxe ao Bidueiral de Montederramo
Páx. 41 - 42
A Asociación para a Defensa Ecolóxica de Galiza ADEGA, vén de botar a andar un proxecto de educación e recuperación do patrimonio ambiental co nome de Aldea Verde. A iniciativa pretende crear un Centro de Educación Ambiental e de Patrimonio Cultural, constituíndo un espazo de achegamento ao mundo rural e as súas particularidades, atendendo á súa diversidade, tomando o Alto Ulloa como exemplo de rural e das súas posibilidades de futuro.
Fogares verdes
María Xose Castro
CERNA Nº 54 - Viaxe ao Bidueiral de Montederramo
Páx. 47
Fogares verdes é un programa de educación ambiental dirixido a domicilios de Santiago de Compostela, que ten como finalidade a promoción do aforro de auga e enerxía na vida cotiá. Defínese como un programa de participación ambiental que pretende incorporar accións sinxelas e mudar hábitos para poder reducir o consumo de recursos no fogar. Fogares verdes é unha iniciativa de ADEGA que se desenvolve en colaboración co INEGA (Instituto Galego da Enerxía) e a Concellería de Medio Ambiente e Desenvolvemento Sostíbel do Concello de Compostela.
Representantes dos países lusófonos marcan liñas de traballo
Lorena Martínez
Páx. 50 - 51
A Facultade de Filoloxía da Universidade de Santiago de Compostela foi punto de encontro do 24 ao 27 de setembro para máis de 400 educadores ambientais, intelectuais e representantes do Estado español e de todos os países de lingua portuguesa con motivo da celebración do I Congreso Internacional de Educación Ambiental dos Países Lusófonos en Galicia. O congreso foi organizado polo CEIDA (Centro de Extensión Universitaria e Divulgación Ambiental de Galiza), coa colaboración da Universidade da Coruña e de Santiago de Compostela. A Consellería de Medio Ambiente e Desenvolvemento sostíbel da Xunta de Galiza e a Axencia Española de Cooperación foron os principais promotores do evento.
O Centro de Interpretación da Natureza de A Siradella
Manuel Domínguez Rei e María Sánchez Martín
Páx. 52 - 53
O Centro de Interpretación da Natureza de A Siradella está situado no cumio do monte A Siradella, o máis alto da península de O Grove (162m), ao Sur da Ría de Arousa. Aos seus pés, un mosaico de diferentes ecosistemas litorais conforman unha paisaxe litoral de extraordinaria beleza. De titularidade pública e vinculado á Consellería de Medio Ambiente, funciona dende 1994 como Centro de información, interpretación e educación ambiental do Espazo Natural Protexido Complexo Intermareal Umia-O Grove¸ A Lanzada, Punta Carreirón e Lagoa Bodeira.
Obradoiros “Muller, naturalmente”: Medio ambiente para mulleres do rural
María García
Páx. 54 - 56
As mulleres do rural son frecuentemente proletarias, xestoras e usuarias dos nosos recursos naturais. Ademais, levan a casa, sosteñen unha familia, educan aos fillos e fillas, ocúpanse do coidado da horta ou da explotación, traballan a miúdo profesionalmente fóra da casa e son maioría no asociacionismo rural. Pese ao seu papel fundamental, as mulleres do rural atópanse nunha situación desfavorecedora no acceso á información, á capacidade de decisión e a súa implicación na vida pública.ADEGA elaborou en colaboración co Servizo Galego de Igualdade unha proposta didáctica que pretende, por unha banda, achegar a poboación rural á defensa do medio ambiente, partindo dunha base de diálogo e aproximación mutua. Por outro lado perséguese apoiar o infravalorado papel das mulleres nese contexto, fomentando a súa activación, implicación e autoorganización.
Deseño ecolóxico na vida cotiá
Ramsés Pérez
Páx. 60 - 61
Todos os obxectos que nos rodean foron deseñados por alguén. O deseño pode ser bo ou mao, gustarnos ou non, e por suposto tamén pode ser máis ou menos respectuoso co medio. Como en calquera outra actividade económica, ao deseño ecolóxico pódese chagar por convición ou por intereses comerciais. Para recoñecelos e non ser enganados apuntamos aquí algunhas ideas sobre os aspectos que deben seguir os obxectos deseñados con criterios de sustentabilidade.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal