Artigos de Enerxía e cambio climático. Revista CERNA, medio ambiente e ecoloxismo da man de ADEGA
Entrevista a Xoán Ramón Doldán: “ Algunhas centrais térmicas terán que desaparecer”
Por Belén Rodríguez
Páx. 18-21
Xoán Ramón Doldán é economista e profesor titular do Departamento de Economía Aplicada da Universidade de Santiago de Compostela (USC). A súa investigación principal na universidade céntrase no campo da economía dos recursos naturais, cun especial interese na economía da enerxía, análise de fluxos e contabilización do patrimonio natural, a economía pesqueira e a análise input-output. Sobre estes temas dirixiu varias teses doutorais e de licenciatura. Entre as súas publicacións destacan as seguintes: Informe da avaliación económica dos danos producidos pola marea negra do Aegean Sea; O impacto do Prestige. Análise e avaliación dos danos causados polo accidente do Prestige e dispositivos para a rexeneración medioambiental e recuperación económica de Galicia; Enerxía, materiais e auga na industria manufactureira galega; O petróleo como fonte de conflito internacional. Desde 2005 é Director do Instituto Enerxético de Galiza (INEGA), dependente da Consellería de Innovación e Industria.
A paisaxe galega do interior transfórmase na do Douro portugués
Francisco Díaz-Fierros Viqueira
Páx. 29-31
A problemática do Cambio Climático non é nova. O primeiro que a tratou desde unha perspectiva científica foi Arrhenius que en 1896 formulou: “Se o contido do carbono na atmosfera se duplica, a temperatura do clima aumentará en 4°C”. Este dato é case unha rúbrica do último informe do Panel Internacional para o Cambio Climático (IPCC). Foi nos anos 1960-70 cando o problema do cambio climático comezou a transcender entre a comunidade científica. Nos anos 80 os termómetros rexistraron unha grande curva ascendente das temperaturas e, con este fenómeno, confluíron outros factores que fixeron mudar a opinión dos científicos, dos medios de comunicación e da opinión pública en xeral.
Mellora da eficiencia enerxética en edificios públicos
Xesús Giz
CERNA Nº 54 - Viaxe ao Bidueiral de Montederramo
Páx. 29 - 31
Neste artigo descríbense actuacións de mellora da eficiencia enerxética do alumeado en edificios públicos como son dúas DEPENDENCIAS da Universidade da Coruña (UDC). A adecuación dos niveis de iluminación a valores normativos, a consecución de uniformidade e a mellora da eficiencia lumínica foron os obxectivos destas actuacións en dúas aulas especiais e na aula magna da Escola Universitaria de Arquitectura Técnica da UDC.
A enerxía solar en Galiza
Manuel Antonio Fernández Domínguez
Páx. 24 - 25
Hoxe semella máis necesario que nunca impulsar esa transición enerxética (revolución enerxética chámanlle en Cuba) con novas políticas que incidan nos sectores lexislativo, científico, educativo, empresarial; que faciliten os cambios profundos que precisa un novo paradigma de xestión dos recursos enerxéticos. No presente traballo,centrámonos xustamente nas posibilidades e dificultades que enfronta a enerxía solar para o seu desenvolvemento na nosa Comunidade e no conxunto do Estado.
Cambio climático. Plan de mitigación de emisións
Cerna / Redacción
Páx. 13
Presentado polo presidente da Xunta o pasado 6 de xuño, este Plan que ten como obxectivo mitigar as emisións de Gases de Efecto Invernadoiro (GEI) naqueles sectores non suxeitos ao mercado de emisións. Dentro do programa de mitigación, propón a adopción de 51 accións distribuídas en 7 subsectores (Transporte: 11 accións, Doméstico: 11, Servizos: 13, Indutria: 10, Agricultura: 3, e xestión de residuos: 3). Outros programas (avaliación de impactos, investigación, educación, …) completan un plan que se atopa en fase de consulta cidadá.
Tendencia das emisións en Galiza 2000-2006. Gases de efecto invernadoiro
Ramón Varela Díaz, ex-presidente de ADEGA
Páx. 14 - 17
No ano 2005 entrou en vigor o Protocolo de Kioto, no que moitos países desenvolvidos se comprometeron a reducir as súas emisións de gases de efecto invernadoiro ano tras ano para acadar uns obxectivos marcados. Mentres tanto os EE.UU, responsable dun terzo das emisións totais mundiais, segue se ratificar dito acordo. En Galiza as emisións seguen aumentando ano tras ano, sendo os sectores transportes, enerxéticas, de ferroalinaxes e aluminio xunto ca minaría os que fundamentalmente aportan estas emisións. Nos últimos anos produciuse un descenso lixeiro das mesmas nas industrias enerxéticas ao mesmo tempo que aumentaban considerablemente no resto. Para poder levar a cabo unha redución de emisións considerable Galiza precisaría un plan de actuación propio que estivese centrado nas singularidades do noso país.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal