Artigos de Especies en perigo. Revista CERNA, medio ambiente e ecoloxismo da man de ADEGA
A toniña en Galicia: estudo desde mar e aire
Xosé Martínez-Cedeira e Alfredo López
CERNA Nº 76 - Espectáculos con animais
Páx. 44-47
A Coordinadora para o Estudo de Mamíferos Mariños (CEMMA) vén de realizar unha campaña pioneira de mostraxe aérea e marítima para avaliar a abundancia da toniña, o cetáceo máis pequeno dos nosos mares, no Noroeste da Península Ibérica e determinar a conveniencia de elevar a súa categoría de protección de “Vulnerable” a “En Perigo de Extinción”. O estudo tamén recompilou os primeiros datos sobre a abundancia de residuos plásticos nas augas marítimas galegas. A CEMMA advirte da necesidade de aumentar os esforzos de investigación para a obtención de resultados concluíntes.
O ocaso anunciado da tartaraña cincenta
Xabier Vázquez Pumariño
CERNA Nº 75 - E despois do Cumio de París, que?
Páx. 40-41
No planeta existen 14 especies de tartarañas (ou máis, se atendemos ás novas revisións taxonómicas). Algunhas teñen grandes áreas de distribucióncomo a gatafornela (Circus cyaneus) ou a tartaraña das xunqueiras (Circus aeroginosus), mentres que outras viven en áreas moi concretas como a tartaraña das Illas Reunión (Circus mallardi). Trátase de rapinas de mediano ou pequeno tamaño, propias de hábitats abertos, isto é, non forestais, que aniñan directamente no chan. Se nos fixamos nestes dous sinais de identidade, teremosxa parte da chave do porqué as súas poboacións están en serio declive. Considerada como “Vulnerable”, recentemente vense de solicitar o seu cambio de categoría a “En perigo de extinción”. Vexamos por que.
O mazarico real, especie ameazada da fauna galega
Jesús Domínguez e María Vidal
CERNA Nº 74 - Seguimento de hérpetos
Páx. 43-45
As limícolas son un grupo de aves, tradicionalmente incluídas na suborde Charadrii (Orde Charadriiformes), maioritariamente caracterizadas pola súa dependencia de humedais, tanto litorais como continentais, e por unha dieta baseada no consumo de invertebrados. A Península Ibérica presenta para este grupo zoolóxico un notable interese bioxeográfico, xa que son varias as especies con poboacións peninsulares de tamaño reducido situadas no límite meridional das súas áreas de reprodución. É o caso, por exemplo, da gabita (Haematopus ostralegus), da becacina (Gallinago gallinago) e do mazarico real (Numenius arquata).
Persoas, anfibios e enfermidades infecciosas emerxentes
Ramsés Pérez, César Ayres, Moisés Asensi
CERNA Nº 73 - O decaemento do ameneiro
Páx. 27-29
A propagación de varias enfermidades, denominadas enfermidades infecciosas emerxentes (EIE en diante), destacadamente o fungo quitridio (Batrachochytrium dendrobatidis) e os iridovirus (Ranavirus sp.), ten levado á extinción repentina a numerosas poboacións de anfibios, mesmo en lugares illados e ben preservados. Malia coñecerse relativamente pouco o modo de actuación do fungo quitridio e os iridovirus, é imperativo que toda a sociedade, incluíndo biólogos, investigadores, voluntariado ambiental e amantes da natureza, coñezan esta grave problemática e empreguen procedementos básicos de desinfección, para que se impida a propagación destes axentes patoxénicos durante as actividades e saídas de campo. Esta necesidade de información faise extensiva a outros grupos potenciais de expandir as EIE como poden ser os pescadores deportivos e os afeccionados ás actividades acuáticas. As entidades autoras elaboramos e difundimos este documento con tal propósito.
Análise da situación de conservación dos mamíferos galegos
GEAS
CERNA Nº 73 - O decaemento do ameneiro
Páx. 30-33
Neste artigo analízase a situación dos plans de xestión existentes en Galicia para a conservación de mamíferos, así como a situación das especies catalogadas que carecen dos mesmos, e das especies que, cumprindo os criterios da IUCN (Unión Internacional para a conservación da Natureza), non se atopan catalogadas. Búscase fomentar o debate sobre a adecuación dos criterios de inclusión no CGEA (Catálogo galego de especies ameazadas) e propoñer medidas de actuación para a conservación dos mamíferos galegos.
O presente das aves ameazadas en Galiza
SGO
CERNA Nº 73 - O decaemento do ameneiro
Páx. 34-35
En abril de 2014 tivo lugar en Lobios (Ourense) unha xornada técnica na que, convocados pola Sociedade Galega de Ornitoloxía,ornitólogos galegos procedentes de distintos ámbitos (Universidade, Empresa, Administración, ONGs), analizaron asituación da avifauna galega. Partindo dunha fonda preocupación compartida polo estado de conservación das nosas avesmáis senlleiras, o obxectivo era a análise da situación actual das especies incluídas no Catálogo Galego de Especies Ameazadas(CGEA), así como do grao de cumprimento desta ferramenta, que desde a súa aprobación en 2007 non serviu parafrear a tendencia negativa destas especies. De feito, a maior parte dos datos achegados á xornada non fan máis que poñerde manifesto a situación de desamparo na que se atopan as nosas aves e, por extensión, o medio natural galego.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal