Revista CERNA

Artigos de Residuos. Revista CERNA, medio ambiente e ecoloxismo da man de ADEGA

SOGAMA: Todo o que a Xunta tentou agochar

Fins Eirexas

CERNA Nº 76 - Espectáculos con animais

Páx. 6-9

Logo de 8 anos de silencio, SOGAMA vén de publicar (por imperativo legal, consonte á Lei 1/2016 de Transparencia) a súa memoria de actividade de 2015. Desde 2008, e coincidindo coa chegada de Feijóo ao poder, as cifras de SOGAMA eran segredo de Estado. Tan só datos espallados nos Planos de Residuos e algún outro documento solto permitían a sociedade galega, accionista maioritaria da empresa (51% Xunta; 49% GN Fenosa), albiscar o que estaba a acontecer intramuros do complexo de Cerceda. As cifras que amosa esta memoria de sustentabilidade de 2015 (accesíbel na web da compañía e, por certo, só en español) explican a desgana coa que a Xunta partilla esta información en público. ADEGA debruzou polo miúdo este documento,extraendo as seguintes conclusións.

SOGAMA: A xestión do lixo que Galiza precisa?

Manuel Soto

CERNA Nº 76 - Espectáculos con animais

Páx. 10-13

O 97% dos residuos que chegan a SOGAMA van a incineración e a vertido directo, limitándose a reciclaxe ao 3%. A nivel galego, a reciclaxe chega a un total do 12%, pola recollida de vidro e papel e a achega do ámbito Nostián (15%) e Barbanza (40%), pero o conxunto do país fica lonxe dos obxectivos europeos do 50%. Máis de 6 millóns de toneladas de residuos acumúlansenos vertedoiros de SOGAMA, incluíndo medio millón de t de cinzas tóxicas. A contaminación volveuse un problema en toda a contorna. Ao tempo, a creación de emprego queda no 10% da que tería lugar nun modelo de xestión ecolóxica, perdéndose uns 3.000 postos de traballo no sector. A cidadanía paga dúas e tres veces a xestión dos mesmos residuos, cun custo que continúa a aumentar. É esta a xestión do lixo que Galiza precisa?

As bolsas de plástico: comercio e morte en silencio

Marie Lacassagne

CERNA Nº 72 - Recheos nas praias

Páx. 12-13

As características moleculares do plástico (fabricado a base de petróleo) fan que tarde entre 100 e 500 anos en descomporse. Por esta razón, algúns dos impactos ambientais que provoca son unha paisaxe nefasta e o impedimento da libre circulación da auga, provocando ás veces inundacións e, outra veces, enfermidades graves. Ademais o 80% do lixo mariño é plástico. E aínda por riba, está no teu prato! En efecto, xa se incorporou á cadea trófica a través doutros seres vivos que o inxeriron, e algúns morreron de paso. De feito, nos Emiratos Árabes a metade dos camelos e dromedarios falecen por comer plástico.

IV Seminario de Composta en Red

María Lafuente

CERNA Nº 72 - Recheos nas praias

Páx. 14

Unha vez máis ADEGA participou no IV Seminario de Composta en Red, rede da cal é socia, para compartir experiencias de compostaxe caseira e comunitaria. O obxectivo deste foro é impulsar, fomentar e promocionar políticas para a compostaxe doméstica e comunitaria, dado o importante papel que estas poden desempeñar na redución dos residuos orgánicos.

O ecovaso como exemplo de consumo responsábel

Comisión de festas de San Pedro

CERNA Nº 72 - Recheos nas praias

Páx. 18

O barrio de San Pedro de Santiago de Compostela conseguiu demostrar que unha romaría ou festa pode ser un éxito sen que todo quede saturado con vasos de plástico e lixo. Ademais de esixir das institucións públicas unha xestión ecolóxica do lixo, tamén a cidadanía pode ou podemos dar o primeiro paso para avanzar na prevención e camiñarmos cara o residuo cero. Aquí temos un exemplo.

Foro Europeo: Cara unha sociedade da reciclaxe. Iniciativas e experiencias

María Lafuente

CERNA Nº 71 - Outra xestión do lixo é posíbel

Páx. 9-11

Dentro da súa campaña de residuos, ADEGA organizou o I Foro europeo de residuos, co lema “Cara a unha sociedade da reciclaxe: iniciativas e experiencias”. O obxectivo foi dar a coñecer de primeira man sistemas alternativos á incineración que se están a levar a cabo, tanto no estranxeiro, como na Galiza. Ademais do público en xeral, foron convidados expresamente os responsábeis municipais de Galiza na materia, coa finalidade de implantar estes modelos nos seus concellos.

Revista CERNA
Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal