Revista CERNA

Artigos de Entrevistas. Revista CERNA, medio ambiente e ecoloxismo da man de ADEGA

Javier Puertas:“ Na conservación, o imprescindíbel é marcarse obxectivos explícitos e concretos”

Belén Rodríguez

CERNA Nº 54 - Viaxe ao Bidueiral de Montederramo

Páx. 19

Entrevista a Javier Puertas, técnico EUROPARC-España que nos fala sobre os Espazos Naturais Protexidos e de se é posible combinar a figura de ENP co patrimonio cultural, e cas actividades tradicionais. Tamén fala sobre algunhas iniciativas de desenvolvemento sostible nestes espazos e o papel dos gobernos autonómicos para a consecución destas.

Entrevista a Rubén Cela Díaz

Belén Rodríguez

CERNA Nº 53 - .

Páx. 22 - 23

“O voluntariado en defensa do monte é un proxecto de toda a sociedade galega”, proporciona un bo titular para a entrevista con Rubén Cela Díaz, Director Xeral de Xuventude e Solidariedade. O voluntariado en xeral, e tamén o ambiental, constitúen un campo novo no goberno, de aí que tanto o Plan Galego de Voluntariado 2006-2010 como a Lei Galega de Acción Voluntaria serán os encargadas de xestionar as liñas de actuación do voluntariado no territorio galego. O que se pretende é fomentar a colaboración en todos os ámbitos e sobre todo no medio ambiente e a través da mocidade como impulsora. Nesta entrevista Rubén Cela dará as claves destes programas.

Entrevista a Xacobe Meléndrez Fassbender

Belén Rodríguez

CERNA Nº 53 - .

Páx. 46 - 48

“Cuestiónome como nos relacionamos entre nós e coa natureza”Xacobe Meléndrez Fassbender naceu en Honduras pero aos dous anos trasladouse á terra paterna, a Galiza, onde reside dende entón e onde se formou como artista e fotógrafo autodidacta e independente. Desde os 17 anos recibiu varios galardóns e recoñecementos, sendo o último concedido o segundo premio no Iº Certame Artístico do Ministerio de Medio Ambiente (2006). A súa obra foi exposta nunha vintena de mostras individuais e noutras tantas colectivas. Xacobe Meléndrez ten predilección pola fotografía ambiental, polo enfrontamento do ser humano co seu contorno e polo retrato dos elementos naturais e artificiais que di utilizar como símbolos para o autorretrato persoal e social. Síntese, sobre todo, un artista comprometido coa natureza.

Entrevista a Francisco Sóñora

Entrevistado por Belén Rodríguez

CERNA Nº 55 - .

Páx. 18 - 19

O Proxecto Climántica, como proxecto educativo, está impulsado polas Consellarías de Medio Ambiente e de Educación para achegar a problemática do Cambio Climático as escolas galegas. O proxecto foi presentado en Cuba, Portugal, Arxentina e, mesmo diante da ONU, co obxectivo de incorporar a temática do Cambio climático nos currículos escolares destes países, especialmente polo interese da metodoloxía desenvolvida. Para Francisco Sóñora, responsable e coordinador de Climática, o grande está agora en facer chegar este proxecto educativo a múltiples sectores, buscando mecanismos para que esta dinámica vaia prendendo noutros ámbitos sociais. Velaquí a conversa con Francisco Sóñora.

Entrevista a Virxinia Rodríguez

Belén Rodríguez

CERNA Nº 57 - Transporte: O tren de proximidade

Páx. 17 - 19

“ADEGA fai política ambiental, pero non é partidista” Virxinia Rodríguez é Secretaria Xeral de ADEGA, ten representación en todos os órganos de goberno da organización, nomeadamente na Comisión Permanente e na Xunta Directiva. Tamén é a voceira da organización, xunto coa Presidencia, nas relacións institucionais, extraoficiais ou xudiciais e está apoiada pola Secretaría Executiva e de Organización da asociación

Entrevista a Emilio Fernández

Manuel Soto e Belén Rodríguez

CERNA Nº 57 - Transporte: O tren de proximidade

Páx. 20 - 23

“Unha enerxía ilimitada sería o fin da especie humana” Hai case tres anos falabamos con Emilio Fernández para Cerna. Aínda só pasaron 9 meses da súa entrada no goberno e daba conta de numerosas actuacións e proxectos: Avaliación Ambiental Estratéxica, Núcleos de Sustentabilidade, acceso á información ambiental, revisión da Estratexia Galega de Educación Ambiental, creación dunha Axencia Galega de Desenvolvemento Sustentábel, o Plano de Acción do Cambio Climático, ou a aplicación da Directiva de Augas. Cando está para rematar a lexislatura, recorremos de novo a el para analizarmos estes anos de cambio de goberno. Segundo declaraba naquel entón, “o desenvolvemento sustentábel é un asunto de todo o goberno”. Por iso, a D.X. de Sustentabilidade, a través do Comité de Desenvolvemento Sustentábel Interdepartamental, ten importantes tarefas de transversalidade coas diferentes políticas sectoriais. Estamos pois diante da persoa que nos pode dar unha boa perspectiva das actuacións en materia de medio ambiente de todo o goberno.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal