Revista CERNA

Artigos de Forestal e montes. Revista CERNA, medio ambiente e ecoloxismo da man de ADEGA

CMVMC de Santiago de Covelo

Alexandre Cendón

CERNA Nº 62 - O lixo en Galiza: Máis incineración?

Páx. 36 - 37

A función ecolóxica, económica e social do monte son os tres eixos que marcan o que facer desta Comunidade de montes veciñais en man común do Concello de Covelo, na comarca da Paradanta. A partir destes eixos e cos veciños e veciñas como protagonistas, a xestión forestal destes montes camiña pola senda da sostibilidade.

Os criterios de ordenación territorial e os montes veciñais

Xosé Alfredo Pereira Martínez

CERNA Nº 63 - Galiza: Territorio agredido

Páx. 26 - 28

A nova Directrices de Ordenación do Territorio aprobada polo PP é un novo intento colonialista que procura o beneficio as grandes empresas da metrópole, con esta nova DOT e a supresión das axudas da consellería de medio rural do anterior goberno, o PP procura a privatización dos montes veciñais en man común, so lle falta un cambio xurídico, que será unha perda para os comuneiros e para toda a sociedade galega xa que este é un dos nosos trazos de identidade. A política do PP céntrase en situar os recursos do rural galego como un ámbito de lecer para as persoas de clase alta e como un recurso enerxético fomentando as plantacións de eucaliptos para o aproveitamento en 4-5 anos nas centrais de biomasa.

O sistema de certificación FSC: unha oportunidade de desenvolvemento socioeconómico para Galiza

Pablo López Abeleda

CERNA Nº 64 - O impacto do cambio climático nas rías galegas

Páx. 36 - 37

Galiza conta cunha superficie forestal e fragmentación arborada que a fan única neste campo. De aí a importancia da certificación FSC para a xestión responsable destas áreas. Coñecer a procedencia da madeira que se consume é fundamental para garantir a súa legalidade e sostentabilidade, porén o selo do FSC constitúe unha gran vantaxe tanto para o consumidor como para o produtor.

CMVMC de Carballo: Valorización sostíbel do monte veciñal

Xosé Manuel Iglesias e Anxo Buján

CERNA Nº 64 - O impacto do cambio climático nas rías galegas

Páx. 38 - 39

A Comunidade de Montes Veciñais de Man Común da parroquia de Carballo, concello de Friol foi das primeiras en apostar pola certificación FSC, o que garante a súa xestión responsable. Unha das accións máis relevantes que se levou a cabo foi a utilización do cabalo de pura raza galega para o pastoreo. Ademáis, a Comunidade leva a cabo unha serie de actividades que constitúen un pulo ao futuro da vida no rural.

O monte como oportunidade sustentábel fronte a crise

Cerna/ Redacción

CERNA Nº 65 - Os ríos: explorar para conservar

Páx. 28-29

O pasado 4 de xuño desenvolveuse en Melide unha xornada dedicada a analizar o papel do monte galego como oportunidade sostíbel frente a crise. A actividade estivo programada conxuntamente entre ADEGA e a ORGACCMM (Organización Galega de Comunidades de Montes Veciñaís en Man Común). O monte é algo máis que un conxunto de árbores e polo tanto temos que descubrilo, nestes momentos de crise, desde outras olladas. Con esta premisa desenvolveuse unha intensa reflexión que contou coa participación dun total de 17 relatores distribuídos en catro palestras e cun nutrido auditorio que confirmou a interese da sociedad polo noso monte.

O monte veciñal e a defensa do territorio: as alianzas necesarias

Xosé Alfredo Pereira

CERNA Nº 65 - Os ríos: explorar para conservar

Páx. 31

O monte veciñal en man común (MVMC) ocupa 1/4 do territorio do país. Polo tanto, conseguir un monte veciñal multifuncional e sustentábel é defender o territorio. Pero non é posíbel un monte veciñal en man común vivo, multifuncional, equilibrado e sustentábel sen veciñanza comuneira ao seu carón e sen un medio rural vivo. As políticas europeas do medio rural non defenden o territorio porque até o de agora esixiron para a súa execución, única e exclusivamente, a rendibilidade económica, sen ter en conta a función social do monte.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal