Artigos de Forestal e montes. Revista CERNA, medio ambiente e ecoloxismo da man de ADEGA
Monte Cabalar: Cooperativismo e silvopastoralismo como instrumento de xestión do territorio
Fuco Xavier Barreiro Carracedo
CERNA Nº 57 - Transporte: O tren de proximidade
Páx. 42 - 44
Monte Cabalar é unha cooperativa de explotación comunitaria da terra que agrupa aproximadamente 3.600 propiedades de máis de 1.000 propietarios nunha explotación gandeira en extensivo con máis de 700 Ha de monte fechadas nas parroquias de Somoza, Tabeirás, Nigoi, Arca e Souto (concello d’A Estrada) co obxectivo de intervir sobre o abandono e o minifundio. Coa introdución do primeiro rabaño de cabras o 15 de decembro de 2005 iniciouse unha experiencia de xestión do territorio que vai configurando a nova paisaxe “Monte Cabalar”.
Montes da Estrada e Agolada: Proxectos de aproveitamento integral e protección
Frouma Forestal
CERNA Nº 57 - Transporte: O tren de proximidade
Páx. 45 - 46
Actualmente, o monte galego atópase en estado de abandono, iso é innegable. O abandono dos traballos tradicionais de explotación e xestión comunal do monte deron paso ao seu descoido ou a súa explotación intensiva mediante especies foráneas. É neste contexto cando nacen iniciativas, como as que está a levar a Asociación Forestal Furoma, intentan devolver ao monte o seus status e valor tradicional a través da plantación de especies autóctonas, o silvopastoreo, producións de cogomelos e froitos silvestres, aproveitamento de leña e creación de roteiros de sendeirismo, entre outros. Neste caso imos ver como exemplo o levado a cabo nos montes de Orazo (A Estrada) e en Trabancas (Agolada).
A madeira na restauración de vivendas: vantaxes ambientais
Adela Figueroa
CERNA Nº 57 - Transporte: O tren de proximidade
Páx. 47 - 48
Alternativa sustentábel nun momento histórico de crise. Modernidade na concepción das vivendas. Interrelación entre madeira, pedra e cemento; entre o mundo dos vivos e a morte presentada polas “urbanizacións especulativas”.
Casos de sostibilidade no monte galego. A restauración da vexetación de ribeira en regatos de Ponte Caldelas.
Fernando Malvar
Páx. 34 - 35
Tralos lumes que arrasaron Galiza no ano 2006 os montes quedaron arrasados, esperando as primeiras precipitacións que provocarían a perda de toneladas e toneladas de solo. Ante esta situación grupos de voluntarios elaboran un proxecto no que colabora a Consellería de Medio Rural. Os voluntarios protexen o solo con barreiras de contención e posteriormente deciden repoboar as marxes de ríos e regatos con vexetación de ribeira impedindo que volvan a producirse estes situacións críticas como a de 2006.
Montes sustentábeis. O gando ovino e caprino nos montes galegos
Antonio Cabana
CERNA Nº 61 - Lei do solo: Legalizar a especulación
Páx. 36 - 27
A presenza de ovellas e cabras nos montes galegos foi decrecendo constantemente, isto é prexudicial para os nosos montes, xa que contribúen a conservación do medio rural e a frealo despoboamento, manteñen superficies agrarias en bo estado, fan un aproveitamento sostible dos recursos e contribúen a valorar as actividades agrogandeiras e forestais e das súas producións. Para que se manteñan estes rebaños é imprescindible que a administración poña en marcha medidas encamiñadas a favorecer estas actividades, xa que agora mesmo están discriminados nas axudas, sobre todo a administración ten que favorecer plans que permitan a convivencia co lobo.
CMVMC Santo Estevo de Parga: Unha maneira de sacarlle o proveito aos montes
David Díaz Losada
CERNA Nº 60 - Sentenzas Xudiciais: Caso Rinlo
Páx. 37
Traio aquí un exemplo de como sacarlle o máximo proveito aos nosos montes, establecendo un plan racional de aproveitamento e traballo programado para os mesmos. A parroquia de Santo Estevo de Parga, Concello de Guitiriz, atópase situada na parte norte da provincia de Lugo, bañada na meirande parte polo río Parga, por certo, moi rico en troitas. Ten unha poboación aproximada de 800 habitantes e unhas 200 casas que forman a Comunidade á que lle dá o nome a parroquia, cos seus oito pobos máis a vila de Parga. A parroquia de Santo Estevo ten unha extensión de aproximadamente 1.000 Has de monte veciñal man común, das que 375 Has foron clasificadas polo Xurado Provincial de Lugo con data 25 de Agosto de 1.975. As restantes, atópanse repartidas entre comuneiros e comuneiras desde hai 80 anos, sen criterio de proporcionalidade. Así que, para centrármonos no tema que nos ocupa imos falar só do monte legalmente clasificado, no que existen varias canteiras de granito desde 1979.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal