Revista CERNA

Artigos de Forestal e montes. Revista CERNA, medio ambiente e ecoloxismo da man de ADEGA

Os lumes de agosto. Especial incendios 2006

Antón Bouzas

CERNA Nº 50 - CERNA x 50, 16 anos informándote. Especial incendios

Páx. 34 – 37

O ciclo natural do lume resulta abraiante en Galiza debido a súa gran produtividade vexetal, moi superior aquí que no resto de España. Pero a situación de abandono que sofre o noso monte e a plantación indiscriminada dunha especie especialmente pirófita como é o eucalipto, provoca que o ciclo de lumes se acurte e se repita cada poucos anos. Antón Bouzas é biólogo e asesor ambiental do concello de Ames e neste artigo fala das causas e das consecuencias que traen consigo a falta de responsabilidade política á hora de elaborar un modelo territorial

Ecoloxistas, científicos, políticos e sectores sociais buscan solucións

Belén Rodriguez

CERNA Nº 50 - CERNA x 50, 16 anos informándote. Especial incendios

Páx. 41 – 45

O pasado 20 e 21 de outubro, ADEGA organizou unhas xornadas en Santiago de Compostela para debater sobre a problemática dos incendios en Galiza. As xornadas contaron coa colaboración do Museo do Pobo Galego, a Consellaría de Medio Rural e a Consellaría de Medio Ambiente. Recoñecidos investigadores das universidades galegas, ecoloxistas, asociacións de propietarios, expertos en rexeneración ambiental, sociólogos, sindicatos agrarios e políticos analizaron as causas e as consecuencias de máis de corenta anos de lume en Galiza e, especialmente, da última vaga de incendios sufrida no noso país. A xuntanza acolleu a todos os sectores implicados na problemática do lume e conseguiu encher o aforo da sala de conferencias do Museo do Pobo Galego, demostrando unha vez máis que os incendios son un problema que preocupa e atinxe a toda a sociedade galega.“A mobilización integral e moral das mellores enerxías do país”, foi como Suso de Toro definiu o encontro organizado por Adega, no acto de inauguración. O escritor galego referiuse á importancia da relación que mantivemos os galegos e galegas co monte nas diferentes épocas da historia, nas que “nunca deixamos de identificarnos coa terra, a pesares das nosas contradicións; por iso, cando falamos de monte queimado, tamén falamos das queimaduras do noso corpo”.

Hai que construír de novo unha política forestal. Especial incendios 2006

Alberte Blanco

CERNA Nº 50 - CERNA x 50, 16 anos informándote. Especial incendios

Páx. 46 – 48

A Dirección Xeral de Montes (Consellaría de Medio Rural) ostenta responsabilidades en política forestal e a loita contra o lume. O seu titular, Alberte Blanco, asistiu ás Xornadas sobre Incendios Forestais organizadas por ADEGA para explicar as medidas de actuación que están a impulsar para afrontar a problemática do lume en Galiza. A continuación reproducimos, resumidamente, o contido da súa intervención.

Métodos de actuación concretos na prevención dos incendios. Especial incendios 2006

Redacción

CERNA Nº 50 - CERNA x 50, 16 anos informándote. Especial incendios

Páx. 49 – 50

ADEGA amosou a súa posición con respecto á problemática do lume, en boca da súa presidenta Adela Figueroa, nas Xornadas de Debate que organizou sobre os Incendios Forestais. Os argumentos que esgrimiu a asociación ambientalista nestas xornadas foron os mesmos que trasladou ao Parlamento de Galiza o pasado 6 de outubro, onde compareceu como axente social e como parte do sector ecoloxista galego na Comisión de Estudo sobre as causas e consecuencias dos incendios forestais, aberta a debate tras a crise incendiaria do pasado verán. ADEGA afondou na necesidade de políticas de prevención, nas que se determine un mapa de riscos e se implique o total da sociedade galega.

CMVCMC de Santa Cristina da Ramallosa, Baiona

Frouma Forestal

CERNA Nº 54 - Viaxe ao Bidueiral de Montederramo

Páx. 37 - 38

O Monte Veciñal en Man Común de Santa Cristina da Ramallosa foi devolto á veciñanza o 22 de outubro de 1994. Está situado na parroquia de Sabarís, no concello de Baiona e pertence á Mancomunidade de Montes do Val Miñor. Forma parte da Organización Galega de Comunidades de Montes en Man Común.

Caos de sostibilidade nos montes galegos. O monte veciñal de Vincios, Gondomar

Javier Montalvo e Belén Casaleiro Javier

CERNA Nº 55 - .

Páx. 33 - 35

En Vincios levouse a cabo unha plantación forestal moi diferente o que estamos acostumados en Galiza, mentres na maioría do territorio as plantacións son de especies invasoras de rápido crecemento, en Vincios plantáronse especies autóctonas para procurar madeira de alta calidade. A empresa que investiu no proxecto é Maderas Nobles Sierra del Segura dedicada a silvicultura ecolóxica. Esta plantación conta con 21 especies diferentes de árbores típicas na paisaxe galega, 18 das cales son de folla caduca e so tres de perenne, contribuíndo así a conservación da paisaxe, pero ademais inclúense outras medidas, como facer os buratos mecanicamente sen romper toda a capa superior do solo ou triturar os restos da anterior plantación de eucaliptos, que permiten unha maior produción e o mantemento dun hábitat ben conservado.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal