Artigos de Educación ambiental. Revista CERNA, medio ambiente e ecoloxismo da man de ADEGA
Xornadas Charcas con Vida. Iniciativas para a conservación de charcas
Redacción/Cerna
CERNA Nº 69 - Charcas con Vida: os pequenos humidais na túa man
Páx. 41
O pasado 2 de febreiro de 2013, Día mundial dos humidais, celebrouse no Pazo da Cultura de Pontevedra unha xornada sobre charcas, organizada por ADEGA coa colaboración da Fundación Biodiversidad, do Ministerio de Agricultura, Alimentación e Medio Ambiente, e financiada polo Concello de Pontevedra. A finalidade foi divulgar a importancia destes ameazados ecosistemas e coñecer diferentes iniciativas de estudo e conservación, alén de dar a coñecer o novo proxecto de custodia e voluntariado ambiental de ADEGA: Charcas con Vida.
Campos de voluntariado ambiental no río Tea. Seis anos eliminando flora exótica invasora
Ramsés Pérez, Paco Bañobre
CERNA Nº 70 - Reforma eléctrica contra as enerxías renovábeis
Páx. 38-39
Nas seguintes páxinas recóllese un resumo do traballo que durante seis anos un numeroso grupo de persoas, coordinadas polo Proxecto Ríos–ADEGA, ao abeiro do Programa de Voluntariado en Ríos do Ministerio de Agricultura, Alimentación e Medio Ambiente (MAGRAMA), desenvolveu nas beiras do río Tea. Máis de 300 voluntarios/as participaron nesta iniciativa que tivo como un dos seus principais obxectivos divulgar a problemática que as especies exóticas invasoras (EEI en diante) provocan sobre o medio ambiente en xeral e os ríos en particular.
Como construír charcas
Lucía Parente, Ramsés Pérez
CERNA Nº 70 - Reforma eléctrica contra as enerxías renovábeis
Páx. 40-41
As charcas son ecosistemas valiosos e ameazados que veñen desaparecendo da nosa xeografía por diversos motivos. En 2013, ADEGA puxo en marcha o proxecto “Charcas con vida” co obxectivo de poñer en valor estes lugares e axudar a súa conservación. Unha das liñas do proxecto céntrase na creación ou recuperación destes puntos de auga. Neste artigo, apuntamos algunhas das cuestións que debemos ter en conta á hora de construír charcas.
Proxecto "Charcas con vida"
Lucía Parente e Ramsés Pérez
CERNA Nº 69 - Charcas con Vida: os pequenos humidais na túa man
Páx. 42-43
As charcas son pequenos ecosistemas cun grande valor, porén apenas teñen sido obxecto de inciativas para o seu estudo e conservación en Galiza. ADEGA vén de poñer en marcha unha iniciativa que baixo o nome de "Charcas con vida" pretende contribuír á divulgación dos valores dos pequenos humidais mediante actuacións que vinculen educación ambiental, voluntariado ambiental e custodia do territorio. O proxecto conta coa colaboración da Fundación Biodiversidad, do Ministerio de Agricultura, Alimentación e Medio Ambiente e realízase en convenio co CIBIO (Centro de Investigação em Biodiversidade e Recursos Genéticos de Portugal).
Os equipamentos para a educación ambiental na Galiza
Araceli Serantes Pazos
Páx. 36-39
A relación que as persoas manteñen co contorno inmediato ten sido de explotación e esquilmación. Hoxe en día existen numerosas evidencias de que este modelo de desenvolvemento non é viábel nin tan sequera a curto prazo.A educación ambiental é unha disciplina teórico- práctica, de reflexión e de acción, que cre na capacidade de resposta nas sociedades humanas para configurar unha orde social ambientalmente sustentábel e socialmente xusta.Unha atenta viaxe por Galiza adiante permite comprobar a cantidade de centros que existen dedicados á divulgación do noso patrimonio mais xurde rapidamente a seguinte pregunta: sendo tantos, como é que resultan tan invisibles?
Entrevista Carlos Vales: “Os xestores políticos precisan máis educación ambiental que os escolares”
Por Belén Rodríguez
Páx. 40-41
O CEIDA, Centro de Extensión Universitaria e Divulgación Ambiental de Galiza, nado en 1992 mais que non comezou realmente a andar até 2001, presentou recentemente a súa Memoria de Actividades 2001-2005. Este período coincide coa dirección do CEIDA por parte de Carlos Vales, motivo polo que o entrevistamos para Cerna. Experto en bioloxía da conservación, en particular dos sistemas forestais e dos bosques autóctonos galegos, Carlos Vales foi secretario xeral de ADEGA e conta con varios libros publicados sobre problemas ambientais de Galiza. Forma parte da Comisión de Educación e Comunicación da UICN (Unión Internacional para a Conservación da Natureza) e da sección de Ciencia Técnica e Sociedade do Consello da Cultura Galega.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal