CERNA Nº 64 - O impacto do cambio climático nas rías galegas
Páx. 40
Hai iniciativas empresariais que seguen un modelo de implicación social e de xestión responsábel dos recursos naturais e enerxéticos en todos os aspectos da súa actividade. Galopín, unha pequena empresa comprometida co desenvolvemento do medio rural, a defensa do medio e a valoración do patrimonio, é un bo exemplo disto.
CERNA Nº 64 - O impacto do cambio climático nas rías galegas
Páx. 41
Os beneficios aportados polos animais á saúde son ben probados en todo o mundo. En Galiza, a asociación ANDREA, única no seu campo, leva traballando con asnos dende o 2005. Os traballos que se están a realizar son de estimulación psicomotriz e a estimulación emocional e de vínculos afectivos, dirixidos principalmente a persoas con algún tipo de discapacidade. Ademais, esta iniciativa aposta pola rehabilitación e a conservación do asno, especie en grave perigo de extinción.
CERNA Nº 64 - O impacto do cambio climático nas rías galegas
Páx. 43
O pasado mes de febreiro o Proxecto Ríos e ADEGA realizaron unha serie de actividades ao abeiro do Día Mundial dos Humidais e do Ano Europeo do Voluntariado. A proposta consistiu na realización de actividades cos centros de ensino, así como nunha xornada de voluntariado ambiental centrada na eliminación de flora exótica invasora. A actividade desenvolveuse nas lagoas de Xuño e Muro, en Porto do Son.
CERNA Nº 64 - O impacto do cambio climático nas rías galegas
Páx. 44
O Centro de Educación Ambiental (CEA) O Rexo está situado en Allariz, na estrada que discorre ao carón do Río Arnoia cara a Xunqueira de Ambía, na Parroquia de Requeixo de Valverde. Enclavado no corazón da Reserva da Biosfera Área de Allariz , artéllase como un instrumento de divulgación dos valores na defensa do equilibrio entre o ser humano e a natureza que a UNESCO promove para estes territorios, ao tempo que permite achegar a grupos e individuos aos valores medioambientais nun contorno privilexiado, no ámbito da actuación pictórica de Agustín Ibarrola coñecida como Ecoespazo do Rexo.
CERNA Nº 65 - Os ríos: explorar para conservar
Páx. 45-47
O feito de vestir non é so unha necesidade básica. Alén de ser a maneira de facer fronte ás inclemencias metereolóxicas, é unha manifestación cultural, social, de clase ou relixiosa. Acompañando os nosos xestos e miradas, estamos a comunicarnos co noso contorno a través da roupa que levamos posta. As modas marcaron as épocas e os estilos, a pesares de que ás veces sexan cíclicas e o que se levou noutrora pode volver a estar de actualidade nas rúas. Neste artigo afondaremos no xeito en que a procura da nosa elegancia non implique deixar espida unha parte do planeta. Achegámonos ao consumo responsábel da roupa.
CERNA Nº 66 - Espazos protexidos, baixo mínimos
Páx. 18-19
Galiza é unha paisaxe humanizada que as galegas e os galegos modelaron e xestionaron durante séculos. Porén, nos últimos anos, a xestión do territorio e nomeadamente dos espazos naturais protexidos foron deixadas case exclusivamente nas mans da Administración, cuns resultados moi discutíbeis. Neste artigo presentamos a custodia do territorio, un crecente movemento de conservación que de maneira participativa e desde a sociedade civil ofrece unha nova posibilidade de xestión e con grandes posibilidades.