Revista CERNA

Artigos de Enerxía e cambio climático. Revista CERNA, medio ambiente e ecoloxismo da man de ADEGA

As Pontes: A débeda histórica da central térmica

Ramón Varela Díaz

CERNA Nº 82 - Emerxencia cinexética

Páx. 5-8

Neste artigo faise un breve repaso á historia da mina de lignito e da central térmica de As Pontes, para logo entrar na débeda histórica, despois de anunciar Endesa a finais do 2019 unha solicitude de peche da central. Analízase a débeda por ocupación de terreo, destruciónde aldeas e desprazamento da poboación, por ocultar e facer desaparecer fósiles atopados na mina, polas altas emisións e pola contaminación xerada ano tras ano por vertidos, consumo de auga, entre outros factores.

A economía circular: unha mirada para Galicia

Brais Suárez, Emilio Fernández, Gonzalo Méndez, David Soto.

CERNA Nº 82 - Emerxencia cinexética

Páx. 9-12

A economía circular preséntase como un sistema de produción-consumo que pretende dar resposta á crítica situación ambiental actual que, asociada a procesos antropoxénicos, poñen en risco a sustentabilidade das sociedades humanas. Neste artigo realízase unha diagnose sobre o concepto de economía circular cunha mirada posta na realidade galega e nalgunhas das posibles vías de actuación por parte dos diferentes actores sociais. O marco teórico empregado é un resumo do traballo recentemente publicado no Journal of Cleaner Production (Suárez-Eiroa et al., 2019).

Os Fridays galegos e o movemento mundial polo Clima

Héctor Santorum e María Bañón

CERNA Nº 82 - Emerxencia cinexética

Páx. 13-16

A última onda ecoloxista iniciouse o ano pasado á raíz dun discurso de Greta Thunberg na COP24, en Katowice, Polonia. Ese discurso conseguiu artellar un movemento autónomo en multitude de cidades do mundo. Esta rapaza de 16 anos, levaba xa meses reivindicandoque non servía para moito estudar se non ía ter un futuro, facendo folga cada venres diante do Parlamento do seu país. Así comezou a aparecer nos medios de comunicación e a estenderse o seu discurso a máis de 190 países, conseguindo emerxer un movemento quesegue a medrar na actualidade e que tamén chegou a Galicia: Fridays For Future.

Desesperanza, paso para a acción

Héctor Santorum e María Bañón

CERNA Nº 82 - Emerxencia cinexética

Páx. 17-19

Do día 2 ao día 13 de decembro, tivo lugar o Cumio polo Clima en Madrid, concretamente no IFEMA. A COP25, prevista para Chile, foi trasladada á capital do Estado español por mor da inseguridade xerada no país chileno tras os últimos disturbios. Héctor Santorum, coautordeste artigo, foi un dos compañeiros de Fridays For Future Galicia, de Vigo, que tiña acreditación no evento. No mesmo, tivo a oportunidade de falar con numerosos compañeiros e compañeiras do movemento, a nivel estatal e internacional. Como observadores, comoactivistas, como xuventude, o propósito de FFF era influír nos acordos que se levasen a cabo e aprender. Este é o seu relato do evento.

Xornada polo Clima, histórica para o movemento ecoloxista

Ángel E. López

CERNA Nº 81 - Emerxencia climática

Páx. 5-7

Impulsado pola mocidade a través do movemento Fridays For Future, xurdido a través dos actos de protesta da adolescente sueca Greta Thunberg, tivo lugar unha semana de reivindicacións mundiais polo Clima que rematou o 27S cun día de folga e mobilizacións en máis de dúas mil cidades de 155 países diferentes. Na Galiza, máis de dez cidades e vilas viviron accións e actos a prol do Clima para reclamar unha declaración real e efectiva de Emerxencia climática. Culminou en grandes manifestacións que botaron á rúa unhas 8.000 persoas en Vigo, 5.000 na Coruña ou 4.000 en Compostela.

15M, a primeira folga polo clima en Ferrol

Belén Feal Cabezón

CERNA Nº 81 - Emerxencia climática

Páx. 8

Xa hai case un ano, unha rapaza sueca de 16 anos, chamada Greta Thunberg, iniciou un movemento en contra do cambio climático. O que fixo Greta, foi poñerse en folga todos os venres no seu instituto, protestando contra a inacción do seu goberno ante a crise climática. A día de hoxe, milleiras de mozas e mozos en todo o mundo, sumámonos a esta iniciativa baixo o nome de “Fridays For Future”. Desde Ferrol, quixemos formar parte deste movemento, poñer a semente na nosa cidade e unirnos á Folga polo Clima.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal