Artigos de Contaminación. Revista CERNA, medio ambiente e ecoloxismo da man de ADEGA
Dossier a Marea Negra: Agora sí, nunca máis
Xosé Luís Baleato e Xosé Veiras
Páx. 19
A do " Prestige" é a segunda marea negra que se produce desde que a Federación Ecoloxista Galega(FEG) existe como organización entre 1990 e 1996 baixo o nome de Asamblea de Grupos Ecoloxistas e Naturalistas de Galiza(AGENG). Existen algúns paralelismos entre o accidente do "Aegean Sea" fronte á Torre de Hércules, en decembro de 1992, e a do "Prestige": o control insuficiente do tráfico marítimo de mercadorías perigosas, a ausencia de planificación e de medios para combater unha marea negra, os intentos patéticos das autoridades para minimar a gravidade das consecuencias,... Hai tamén algunhas diferencias. A debilidade da reacción social de entón e a impresionante e exemplar mobilización social de hoxe para impedir que sucesos semellantes se volvan a repetir con tanta facilidade e consecuencias dramáticas é a maior diferencia.
Dossier a Marea Negra: ADEGA ante á catástrofe ecolóxica
Asociación para a Defensa Ecolóxica de Galiza (ADEGA)
Páx. 20-23
O accidente do buque Prestige, cargado con fuel, ocasionou unha auténtica catástrofe ecolóxica nas costas galegas. Numerosos enclaves naturais, entre eles 20 Lugares de Interese Comunitario da proposta para a futura Rede Natura 2000, o Parque Nacional das Illas Atlánticas, e seis zonas húmidas do convenion internacional Rámsar no noso litoral, tamén Zonas especiais para a Protección de Aves (ZEPAS), foron afectados. Mais de 120.000 persoas están a ver-se directa ou indirectamente afectadas no seu meio de vida(a pesca, o marisqueo e as actividades relacionadas). Os recursos naturais da costa galega constituen o principal capital para un futuro desenvolvimento sustentábel de Galiza, polo que a súa protección foi obxecto de numerosas actuacións de ADEGA nos últimos anos, directamente ou en colaboración cun sinfín de entidades e plataformas locais. A resposta rápida para reducir no posíbel os danos causados pola marea negra foi considerada unha prioridade absoluta.
Dossier a Marea Negra: O desastre do Prestige
Felipe Louzán Lago
Páx. 24-27
Análise da catástrofe do sinistro do pretroleiro Prestige nas costas galegas facendo un repaso histórico de acontecementos semellantes e ver o comportamento e os efectos ocasionados para que se poidan entendelas tomas de decisións de afastar os petroleiros ou levalos a porto.
Dossier a Marea Negra: Características químicas do vertidos e riscos sanitarios
Manuel Soto Castiñeiras e Luis Díaz Cabanela
Páx. 28-30
Os autores analizan as características químicas do fuel e as afeccións sanitarias das persoas expostas en diferentes condicións. Os rexistros deo SERGAS indican que se están a producir afeccións debidas a toxicidade xeral por exposición a compoñentes do petróleo. Moitos dos contaminantes tamén poden causar afeccións de tipo carcinoxénico. Ante a ausencia de estudos oficiais da contaminación, que os autores denuncian, a avaliación dos ricos habidos na marea negra do Erika nas costas betronas serve como exemplo para propor medidas de prevencións para os diferentes labores a realizar nas costas galegas.
Dossier a Marea Negra: Graves afeccións a áreas da futura Rede Natura 2000
Xabier Vázquez Pumariño
Páx. 31
A nivel mediático estáselle a dar unha gran importancia ás afeccións producidas no Parque Nacional das Illas Atlánticas ó respecto hai que lembrar que científicos e as as organizacións ambientalistas propuxeran non só protexer baixo a figura de Parque Nacional as Cíes, Ons e Sálvora, senón tamén o conxunto da Costa da Morte, e particularmente as Illas Sisargas, por ter uns valores ecolóxicos iguais ou superiores ó territorio finalmente declarado. Polo tanto, cómpre destacar a elevada calidade ecolóxica de todas as zonas afectadas, aínda que non conten coa cobertura lega e mediática que sería desexable. Moitas destas zonas forman parte da proposta galega de Lugares de Interese Comunitario (LIC) para constituir a futura rede Natura 2000 europea.
O carbón contamina A Coruña
Ramón Muñiz
Páx. 7
A combustión do carbón, non afecta só ás fachadas e aos interiores das casas próximas ao porto, tornando ás mesmas ennegrecidas. Os pulmóns e a saúde humana e animal tamén se ve contrariada. Analizamos estes feitos no seguinte artigo.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal