Inicio / Números anteriores / CERNA Nº 45 - Entrevista e...
Artigos da revista CERNA Nº 45
Urbanizando a Rede Natura
Daniel López Vispo
Páx. 12-13
Unha vez máis o LIC Catedrais vese ameazado por mor dos incumprimentos das xestións necesarias para abordar as áreas recoñecidas dentro da Rede Natura 2000. Así, para os responsables de Medio Ambiente, ocupar 42.000 metros cadrados cun edificio administrativo de dúas plantas e unha batería de piscinas destinadas a engorde de polbo e rodaballo non é un defecto apreciábeñ, aínda que se trate dun LIC costeiro de reducida extensión. Analizamos en profundidade este caso.
Nova política ambiental
Manuel Soto, Xosé Veiras
Páx. 14-17
O conxunto das políticas autonómcias non ten contribuído ate hoxe a frear o proceso de deterioración ambietnal e a aproximar o noso país ao obxectivo do desenvolvemento sustentábel. Os diferentes indicadores dispoñíbeis adoitan ser negativos e tenden a empeorar. Por outra banda, estamos á vivir un proceso de empoderamento e toma de conciencia por parte da poboación galega. Porén a Xunta de Galiza non ten estado á altura das demandas sociais. Analizamos unha serie de propostas na liña de mudar a política ambiental galega.
Entrevista a Manuel Vázquez, conselleiro de M.A.
Xosé Veiras
Páx. 18-21
Informes e expertos científicos coinciden en salientar a negativa situación ambiental de Galiza, caracterizada por altos impactos en relación ao resultado económico, históricas eivas e caos na xestión ambiental, ineficiencia... e achacan a responsabilidade fundamental ao poder autonómico da era Fraga. Porén, despois de 16 anos, temos novo goberno na Xunta, novo conselleiro e novo equipo na consellaría de Medio Ambiente. Tamén novos compromisos, mais sobre todo, motias expectativas e esperanzas para achar solución a numerosos problemas ambientais, moitos deles xa vellos e enquistados. Ao frente da Consellaría de Medio Ambiente estréase Manuel Vázquez. Procedente do mundo municipal, como conselleiro comezou a súa relación cos grupos ecoloxistas dunha forma sorprendente, ao tomar a iniciativa para o diálogo. O pasado 21 de Setembro conversamos con el para Cerna.
Incendios
Xosé Veiras
Páx. 23
O balanzo de destrución deixado polos incendios durante este ano é un episodio máis dun desastre anunciado e repetido. ADEGA demanda unha reacción política e social enérxicas para que Galiza deixe de ser o páis dos 10.000 incendios enuais e o país da UE, xunto co norte de Portugal, con maior densidade de lumes forestais. Para poñer fin a este drama, a prevención dos lumes e o desenvolvemento rural sustentábel deben pasar a ser obxecto da máxima prioridade política e dunha permanente preocupación social.
Proxecto Ríos
Virginia Rodríguez
Páx. 24
Esta primavera ADEGA botou á andar o Proxecto Ríos, un programa de Educación Ambiental baseado na participación cidadá que fomenta o estudo e conservación dos ecosistemas fluviais. A participación concrétase na realización de inspeccións e seguemento de treitos de río escollidos polos/as voluntarios/as. A campaña de outono iniciarase o 15 de Setembro e reamatará o 1 de Novembro.
Depuración natural
Virginia Rodríguez
Páx. 25
O pasado mes de Xullo, inaugurouse unah depuradora piloto de augas residuais domésticas e urbanas, baseada na tecnoloxía de humedais ou depuración mediante plantas. Este proxecto está promovido por ADEGA, conta cun financiamento da fundación "La Caixa" e sitúase na EDAR da Silvouta de Santiago de Compostela. Colaboran no mesmo Concello, a empresa Aquagest e a Universidade da Coruña.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal