Revista CERNA

Inicio / Números anteriores / CERNA Nº 78 - ILP: Unha...

Inverno 2017

CERNA Nº 78 - ILP: Unha nova lei forestal

Artigos da revista CERNA Nº 78

Autoconsumo enerxético en Galiza: A oportunidade que nos brinda o sol

Óscar Nogueira

Páx. 38-40

É evidente que o planeta está a sufrir as consecuencias do cambio climático moito máis rápido do previsto, polo que é esencial que comecemos a traballar coa Natureza en vez de en contra dela para abordar unha grande variedade de ameazas ambientais ás que nos enfrontamos. Para poder loitar contra o quecemento do planeta é imprescindible trocar de modelo enerxético, abandonar a enerxía nuclear e os combustibles fósiles ata conseguir un mix cento por cento renovable, algo que xa forma parte da folla de ruta de todos os países deEuropa nos que a aposta polas enerxías renovables está relacionada cunha baixada no prezo da electricidade, coa excepción de España. Galicia non pode deixar escapar esta oportunidade.

Retrato profesional da Educación Ambiental en Galiza

SGEA

Páx. 41-42

Este artigo recolle os resultados dunha enquisa que contestaron 101 persoas que están ou estiveron vinculadas profesionalmente á educación ambiental (EA) en Galicia. O cuestionario buscou facer unha descrición socio-demográfica do campo e captar sinteticamente a situación profesional, ocupacional e social antes da crise (2007) e unha vez xa inmersas nela (2013), dando conta do impacto das políticas de austericidio e recortes.

A conservación do oso pardo en Galiza

Javier Naves Cienfuegos e Alberto Fernández-Gil

Páx. 43-45

O oso pardo en Galicia pasou de ser declarado practicamente desaparecido hai 40 anos a ser hoxe un visitante habitual de moitos montes galegos. Porén, a situación da especie no conxunto da Cordilleira Cantábrica segue sendo de grave risco de extinción. En Galicia segue sen consolidarse un núcleo reprodutor. É necesario renovar o vixente Plano de Recuperación do Oso Pardo na Comunidade, que data de 1992, para abordar e actualizar os retos que a conservación da especie e do seu hábitat necesitan.

A raíña dos mares e o acivro

Xosé Salvadores e Marga Miguens

Páx. 46-47

Na sección de fauna e flora de Galiza de CERNA 78 falámosche da raíña dos mares, que nas últimas semanas, visitou asiduamente os mares galegos. E coñeceremos de forma máis detallada as pecualiaridades da árbore do Nadal, o acivro.

Revista CERNA
Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal