Inicio / Números anteriores / CERNA Nº 71 - Outra xestión...
Artigos da revista CERNA Nº 71
A sostibilidade pasar por crear unha economía e un modelo de enerxía destinados ao Ben Común
Cerna/Redacción
Páx. 19-20
As xornadas “Cara unha nova cultura da Economía sostíbel”, organizadas por ADEGA no pasado mes de xaneiro, trataron de dar a coñecer iniciativas que están a traballar por unha Economía máis sostíbel e socialmente xusta ou por un modelo enerxético máisrespectuoso co medio natural e co cidadán. ADEGA tratou de mostrar unha visión crítica sobre o actual sistema económico e enerxético, fortemente insustentábel desde todos os puntos de vista.
Cooperativa de Enerxía Verde “Nosa Enerxía”
Pablo Álvarez
Páx. 21-22
As cooperativas de enerxía verde aplican o modelo cooperativista ao sector enerxético e denomínanse “verdes” porque o tipo de enerxía que comercializan e producen é de tipo renovable. Este é o aspecto fundamental destas cooperativas, que xorden de movementos sociais e ecoloxistas do norte de Europa, en sociedades cunha forte cultura participativa adquirida nas últimas décadas do século XX. Actualmente, xa operan en terras galegas Som Energia e Nosa Enerxía Sociedade Cooperativa Galega.
Segregación ecolóxica dos cetáceos odontocenos do Noroeste da Península ibérica
Paula Méndez, Jose A. M. Cedeira, Marisa Ferreira e Alfredo López (CEMMA)
Páx. 23-25
As diversas especies de cetáceos odontocetos do Noroeste peninsular teñen unha área de distribución diferente, pero as súas similares características eco-biolóxicas, xunto coa limitada superficie da plataforma continental, fan que xurdan interrogantes respecto da convivencia e da relación entre as diferentes especies nun mesmo espazo. A convivencia ou coexistencia sería posible se tivese lugar unha segregación dos seus nichos ecolóxicos, evitando a competencia entre as especies polos recursos e polo hábitat, isto é o que se trata de comprobar con esta investigación da CEMMA (Coordinadora para o Estudo dos Mamíferos Mariños), cuxos resultados se resumen neste artigo.
A nova Lei do Solo considera residual o 90% do rural galego
Fins Eirexas
Páx. 26-27
As organizacións integradas na Alianza Rural Galega (ADEGA, CIG, FRUGA e ORGACCMM) vimos de intervir na Comisión Parlamentar de estudo para unha nova lei do Solo. O texto que presentou a xunta para servir de base aos traballos menospreza o mundo rural galego, consagra a discrecionalidade e aposta polo modelo urbanístico que provocou a burbulla inmobiliaria.
III Encontro Galego de Custodia do Territorio
AGCT
Páx. 28-29
O III Encontro Galego de Custodia do Territorio deseñouse coma un espazo para a aprendizaxe e o fortalecemento das entidades galegas que empregan a custodia do territorio como ferramenta de conservación da natureza e a paisaxe. Contou coa participación de profesionais dos sectores forestal, agrario e xurídico que analizaron distintos aspectos relativos á conservación do patrimonio natural e paisaxístico a través da custodia do territorio. Así mesmo, estiveron presentes expertos en Custodia do Territorio de ámbito estatal. O Encontro tivo lugar no Centro de Conservación e Estudo da Natureza Casa das Insuas de Rábade, os días 31 de xaneiro e 1 de febreiro.
Reanimar a Educación Ambiental en Galiza
Paco Bañobre
Páx. 30
O pasado 25 de xaneiro de 2014, véspera do Día Mundial da Educación Ambiental, celebrouse en Santiago de Compostela o Encontro galego Educación Ambiental: novos escenarios, novas miradas, convocado pola Federación Ecoloxista Galega (FEG), o grupo de Investigación Pedagoxía Social e Educación Ambiental da Universidade de Santiago de Compostela (SEPA) e a Sociedade Galega de Educación Ambiental (SGEA).
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal