Inicio / Números anteriores / CERNA Nº 62 - O lixo en...
Artigos da revista CERNA Nº 62
O cormorán grande, vitima ou verdugo?
David Álvarez e Ignacio Munilla
Páx. 24 - 25
O descenso nas capturas de salmóns nos ríos asturianos nos últimos tempos, deron lugar a que este colectivo cargase contra o cormorán grande como o culpable, esta especie que estivera durante 50 anos considerada como especie en perigo de extinción, deixou de estalo, debido a estas presións e a un claro aumento no número de individuos que ten a especia, no ano 2005 comezaron a permitirse descastes, morreron centos de individuos da especie e tras observar a cantidade de salmón que comeran, comprobouse que o salmón non superaba o 7 % de media nas aves asasinadas. Ante esta situación os pescadores deberían darse conta de que as causas das baixadas nas capturas non son estas aves, o máis probable e que os propios humanos sexan os culpables do descenso dos salmóns nos ríos.
Efectos do Prestige sobre os ecosistemas
Victoriano Urgorri
Páx. 26 - 28
O desastre do Prestige foi unha das peores catástrofes que viviu o noso país, incrementada por unha nefasta xestión do desastre ao meter o buque no centro da borrasca, creando así esa inmensa mancha que acadou todo o litoral galego. Os efectos inmediatos foron claros e puidéronse ver os centos de aves que morreron nun espazo de tempo, pero non se ven os efectos que inda hoxe hai no litoral, e o peor e que a situación podería pasar en calquera momento outra vez. Ademais disto, inda que pareceu que o desastre espertou unha alta conciencia ambiental na sociedade, non podemos dicir o mesmo da administración xa que a contaminación das rías galegas incrementouse exponencialmente dende o Prestige.
Os centros de investigación mariña en Galiza
Alexandre García Regueira
Páx. 29 – 30
A moita contaminación que leva sufrido, as inxentes cantidades de recursos que extraemos, os moitos metros que lle levamos gañado..., fannos crer que o mar pode con todo, pero non é certo. Hoxe xa non se pesca coma antes e é moi difícil atopar franxas de costa que non estean humanizadas. Estes son sen dúbida síntomas de que a nosa relación co mar non está a ser respectuosa. A investigación pode darnos os medios para evitar que a situación empeore. Unha mellor comprensión dos procesos que teñen lugar nel, unha xestión sustentábel dos recursos ou unha mellora na xestión de residuos son aspectos que a investigación pode e debe axudar a aplicar no mar.
O gas radón nas vivendas galegas.
Xoán Miguel Barros Dios
Páx. 32 - 35
O radón é un gas radioactivo de orixe natural que emana do radio que á súa vez provén do uranio presente nas rochas graníticas e que, segundo a Organización Mundial da Saúde, é responsábel de entre o 3% e o 14% das mortes por cancro de pulmón. É por isto, polo que se quere dispor no Estado español dun mapa de radón que sinale, fundamentalmente, as zonas xeográficas cun alto nivel de radiación. En Galiza as medicións lévanse a cabo pola Universidade de Santiago de Compostela, baixo a coordinación do director do Laboratorio de Radón de Galiza, Xóan Miguel Barros Dios. O profesor desvela a través deste artigo algunha das particularidades deste gas tan frecuente en Galiza, como descoñecido.
CMVMC de Santiago de Covelo
Alexandre Cendón
Páx. 36 - 37
A función ecolóxica, económica e social do monte son os tres eixos que marcan o que facer desta Comunidade de montes veciñais en man común do Concello de Covelo, na comarca da Paradanta. A partir destes eixos e cos veciños e veciñas como protagonistas, a xestión forestal destes montes camiña pola senda da sostibilidade.
Unha lagarta moi rabuda
Xosé Salvadores
Páx. 38
A lagarta rabuda e unha especie característica pola súa longa cola, as súas cores e a súa disposición. Pode ter varias postas dende o mes de abril, que son imprescindibles para garantila súa supervivencia. Para non ser descuberta usa a camuflaxe e se isto non lle funciona a súa morfoloxía permítelle escapar a gran velocidade.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal