Revista CERNA

Inicio / Números anteriores / CERNA Nº 83 -...

Outono 2020

CERNA Nº 83 - Electrointensivas con data de caducidade

Artigos da revista CERNA Nº 83

Recursos 83

Ramsés Pérez

Páx. 4

Se estás interesad@ en que divulguemos na revista galega de ecoloxía e medio ambiente CERNA algún libro, CD, revista, película, documental, etc., ponte en contacto con nós no seguinte enderezo electrónico: ramses@adega.gal, indicando Recursos Cerna. Consulta as nosas recomendacións desta edición.

5 verdades e 5 mentiras sobre Alcoa

Redacción Cerna

Páx. 5-6

Ante o debate público e social xerado tras ameaza de despedimento de 534 postos de traballo da factoría de Alcoa en San Cibrao, ADEGA elaborou en xuño de 2020 o Informe “5 Verdades e 5 mentiras sobre Alcoa”, que resumimos nestas páxinas pola súa permanente actualidade. Ante a inviabilidade e non sustentabilidade da factoría de San Cibrao, é hora de virar o debate público na busca dunha alternativa de desenvolvemento económico para a Mariña alén de Alcoa.

Electrointensivas con data de caducidade

Ramón Varela Díaz

Páx. 7-11

As electrointensivas na Galiza están representadas hoxe pola industria de fabricación de alúmina e aluminio primario xunto coa a industria de ferroaliaxes e a siderurxia que aproveita chatarra. O Goberno, co novo Estatuto do Consumidor Electrointensivo, pretende incluír outras (quizá celulosa, taboleiros, térmicas, refinería, cemento...), para beneficiar a novas empresas e seguir con axudas e subvencións millonarias a este grupo privilexiado de grandes consumidoras e dependentes da electricidade. Estas industrias multinacionais na Galiza achegan menos do 2% do traballo industrial pero necesitan da orde do 34% da electricidade total que se consume no país. Son á vez industrias grandes emisoras de contaminantes, e a maiores non cotizan aquí ao ter a sede fóra de Galiza.

As térmicas de carbón apáganse

Xosé Veiras García

Páx. 13-15

O carbón foi, despois do petróleo, a principal fonte de enerxía primaria de Galiza durante os últimos 40 anos. As centrais termoeléctricas das Pontes e Meirama transformaron carbón autóctono (lignito) e importado en electricidade que contribuíu a cubrir o crecemento do consumo interno e a manter o saldo exportador de enerxía final. Sempre cun elevado prezo socioambiental, aquén e alén das nosas fronteiras. Hoxe, a emerxencia climática impón o seu peche.

Central térmica elétrica de As Pontes, Alcoa, feche já!

Gabriel López Garcia

Páx. 16-18

Há cousa de uns meses tive a oportunidade de escrever um breve artigo a respeito do iminente feche da Central Eléctrica de As Pontes e da planta alumineira de Sam Cibrao, n´a Marinha. A limitaçom do espaço fizera que umha boa parte do argumentário a prol do feche destas indústrias ficara pendente, mas agora temos a oportunidade de acrescentá-lo e apresentar a realidade de duas empresas perfeitamente prescindíveis desde o ponto de vista ambiental, económico e social para Galiza.

Impacto ambiental da gandería industrial na Limia

Manuel García

Páx. 19-21

A industria de produción intensiva de carne barata na Limia fracasa estrepitosamente ao non ser capaz de xestionar adecuadamente os residuos que xera. A Limia ten que absorber cada ano máis de 1.000.000 de toneladas de residuos gandeiros que son vertidos ao medio provocando a contaminación dos recursos hídricos. Grupos ecoloxistas como MEL e SGHN veñen denunciando desde hai anos esta desfeita ante as administracións recibindo a calada por resposta. A denuncia ante Bruxelas desta problemática, a declaración de augas afectadas por parte do Ministerio, así como a mobilización veciñal poden axudar a cambiar a actitude da Consellería de Medio Rural, da Confederación Hidrográfica e das industrias cárnicas.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal