Inicio / Números anteriores / CERNA Nº 17 - -
Páx. 9
A fruitopía consiste en lograr un desenvolvemento rápido dos países pobres e un consumo máis racional e solidario nos ricos, de modo que, sen perder cualidade de vida, permitamos ós outros lograla.
Páx. 10-11
Como alternativa ADEGA propón a mellora do ferrocarril e da actual carretera, e o potenciamento do transporte colectivo en tren e autobús, obxectivos que se poden acadar cunhas inversións mui inferiores ás que a autoestrada requeriría. ADEGA denuncia as deficiencias do EIA, que nen valora satisfactoriamente o impacto ambiental nen xustifica a necesidade de tal obra. A construcción dunha autoestrada afondaría nun modelo de transporte altamente impactante e non sustentable, e colevaría fortes costes sociais, económicos e ecolóxicos. O tren perderíase definitivamente.
Páx. 12-13
O Estudo de Impacto Ambiental do parque eólico de Capelada ten numerosos erros, nomenclatura obsoleta e o que é máis grave, non aparecen as especies botánicas máis relevantes da serra.
Páx. 14-19
A pesar da proximidade xeográfica, do pasado histórico común e das afinidades lingüísticas e culturais, segue a existir un grande e empobrecedor descoñecemento entre Galiza e Portugal. As relacións entre os dous países irmáns aínda poden definirse hoxe como de "costas viradas". A situación do ambiente en Portugal -que, en certos casos, pode incidir sobre a do noso medio- é ignorada no noso país, onde é máis fácil saber o que acontece en Andalucía, Latinoamérica ou Alemaña. Este artigo pretende ser un primeiro achegamento á situación ambiental portuguesa.
Páx. 20-22
Nos últimos meses encontráronse varios examplares mortos de araos comúns en diversas zonas da costa galega. Unha das hipóteses que se baralla pero que non é patente en todolos casos, é que a morte das aves se produciu fundamentalmente pola inxestión de crú, procedente presumiblemente do lavado ilegal de petroleiros nas costas galegas, cuestión que habería que desentrañar a calquera prezo, se queremos salvar unha ave única.
Páx. 23-24
No verán de 1886 arribaba aos peiraos de Ferrol e A Coruña o barco Hirondelle. Nel acudía o Príncipe de Mónaco, unha sobranceira figura da recén nada Bioloxía mariña. A visita tiña como razón fundamental estudar a causa da abondancia da sardiña na costa de Galiza, o que motivou interesantes e pouco coñecidas pescudas, ós que faremos referencia neste artigo.