Revista CERNA

Buscador

Formulario de busca

Xerardo Álvarez Limeses (I)

Emilio Xosé Insua

CERNA Nº 38 - -

Páx. 45-46

Ocuparémonos nesta entrega e nalgunha das vindeiras, dunha figura pontevedresa algo esquecida pola nosa literatura: Xerardo Álvarez Limeses. Na súa obra, observamos un concurso e xornalismo literario, unidos a un fiel compromiso co país, tinguido dun aire modernista e católico. Mais tamén achamos moita sensibilidade con respecto da natureza. Analizamos as súas creacións.

Desagravio ao mar

Rosa Aneiros, Emilio Xosé Insua, Carlos Negro, Marilar Aleixandre, Miro Villar, Eduardo Estévez, Alexandre Nerium, Francisco Fdez. Naval, Paco Souto, Xesús Pereiras, Marta Dacosta, Manuel Rivas

CERNA Nº 39 - -

Páx. 1-18

Diferentes autores e autoras narran dun xeito artístico e lírico a fatírica situación das nosas costas alén do Prestige.

Contaminantes químicos

Manuel Soto

CERNA Nº 38 - -

Páx. 12-13

A Comisión Europea propuxo recentemente un novo sistema para a regulación da produción, importación e do uso de produtos químicos, que afecta tanto aos produtos existentes coma aos novos, polo que deberán ser rexistrados e avaliados nos seus diferentes riscos para a saúde e o ambiente. As substancias químicas de maior risco necesitarían ser autorizadas antes de calquera uso, para o que se propón recoñecer5 a responsabilidade da industria en proveer datos sobre o comportamento das substancias. Neste artigo resumimos algúns aspectos do actual debate sobre o tema e damos conta de tres cuestións particulares relacionadas cos contaminantes químicos: a eliminación de PCB´S, o abandono do mercurio , a nova normativa sobre deterxentes.

Patrimonio xeolóxico II

Fins Eirexas

CERNA Nº 38 - -

Páx. 15-16

Continuamos coa segunda parte dun artigo que iniciamos no número 36 de CERNA, destinado á divulgar a necesidade de políticas de protección, conservación e xestión do patrimonio xeolóxico. na primeira parte repasábanse os conceptos de patrimonio xeolóxico, xeodiversidade, xeorecurso cultural e xeoconservación, considerados homólogos aos de patrimonio biolóxico, biodiversidade, biorecursos culturais, e bioconservación, pero non incluídos nestes, para continuar cunha breve referencia á situación legal e ao escenario galego. Nesta segunda parte, o autor subliña o papel que deben cumprir unha futura estratexia galega para a conservación da xeodiversidade e o urxente inventario de xeorecursos culturais nesas políticas de xestión e conservación, no contexto da situación estatal e das iniciativas e tendencias europeas ou internacionais.

As canteiras de Toén

David Fernández, Manuel Fernández

CERNA Nº 38 - -

Páx. 18-19

A historia que vos imos contar, aínda que escándalosa, non é de ciencia ficción senón que acontece no século XXI, nin nun lugar recóndito pois é un concello limítrofe co de Ourense, Toén, ao lado dun dos espazos máis transitados da Galiza, pola autovía A-52, entre a cidade e o viaducto de Barbantes, onde podes seguir cara Vigo ou ben torcer á dereita para ir a Pontevedra.

O monte de San Pedro

Mercedes Pérez

CERNA Nº 38 - -

Páx. 20-21

Na fin do mar de Orzán , ao noroeste da cidade da Coruña, érguese o monte de San Pedro. Este anaco de costa virxe entre San Roque e o Portiño é o derradeiro espazo natural que lle queda á cidade totalmente libre da man do home. Lamentablemente o furor inmobiliario e a controvertida forma ten o ser humano de adaptarse ao medio farán da súa ladeira un espazo pavimentado para "desfrutar" desde o automóbil. As obras de ampliación do paseo marítimo da Coruña, supoñerán o desmonte de gran parte da ladeira do acantilado coa inevitable desaparición e dano irreparable para importantes especies de flora e fauna propias desta zona do noso litoral.

Revista CERNA
Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal