Revista CERNA

Buscador

Formulario de busca

Os máis afectados. Testemuñas en primeira persoa

Carmen Bardanca

CERNA Nº 69 - Charcas con Vida: os pequenos humidais na túa man

Páx. 18-19

Na análise dos impactos da potencial mina de ouro de Corcoesto, recollemos a testemuña de 5 veciños e veciñas da comarca de Bergantiños afectados por este proxecto. De primeira man, relatan a súa situación e as consecuencias nefastas que a explotación aurífera de Edgewater suporía para as súas vidas. Recolle as testemuñas Carme Bardanca, membro da Plataforma en defensa de Corcoesto.

As terras raras: o ouro tecnolóxico

Alfonso S. Gracia

CERNA Nº 69 - Charcas con Vida: os pequenos humidais na túa man

Páx. 20-22

As Terras Raras tamén se coñecen como o “ouro verde”, “ouro tecnolóxico” ou os “minerais do futuro”. Utilízanse na fabricación de coches eléctricos, motores en coches híbridos, aeroxeradores, leds, lámpadas de baixo consumo, pantallas de computadoras,teléfonos móbiles, etc. Tamén son elementos cobizados pola industria das armas. Este ouro tecnolóxico estase a converter na causa da chamada “Guerra do século XXI” entre China e os países occidentais. Agora a carreira mundial pola explotacióndas terras raras chega a Galiza, concretamente á Serra do Galiñeiro, onde unha multinacional surafricana solicitou permiso para investigar alí a presenza do recurso prezado. A continuación, imos afondar no coñecemento das Terras Raras cun experto no campo, o Doutor en Ciencias Xeolóxicas, Alfonso S. Gracia.

A ILP contra a incineración, semente de futuro

Xosé Manuel López Fernández

CERNA Nº 69 - Charcas con Vida: os pequenos humidais na túa man

Páx. 24-25

A Iniciativa Lexislativa Popular a prol da redución, reutilización e reciclaxe en Galiza, e en contra da incineración, non pasou a aprobación do Parlamento galego. O PP votou negativamente e a oposición (BNG, AGE e PSdeG-PSOE) votou a favor. Pese a que non se acadou o obxectivo final, este artigo presenta a ILP como un símbolo de esperanza ante o a futura prohibición da incineración como principal tratamento dos residuos sólidos urbanos na Galiza. A Comisión promotora do texto lexislativo asevera que o esforzo mereceu a pena e que é necesario insistir e perseverar.

Máis de dez anos de loita. Visibilizando a contaminación electromagnética na infancia e na mocidade galega

Xulio Carmona e Ana García

CERNA Nº 69 - Charcas con Vida: os pequenos humidais na túa man

Páx. 26-29

Sobre a invisíbel contaminación electromagnética da rede eléctrica (alta tensión, subestacións, transformadores) e das radiofrecuencias (telefonía móbil, teléfono sen fíos –DETC-, Wi-Fi, Wimax, contadores intelixentes e demais dispositivos sen fíos),chégannos cada vez máis evidencias dos seus efectos biolóxicos e adversos, alertando do risco en múltiples patoloxías e do aumento de casos de persoas electrohipersensíbeis. Distintos axentes sociais ao longo de toda Galiza veñen denunciando, desde hai máis dunha década, o caótico despregamento destes dispositivos sen niveis de precaución que antepón os intereses económicos (dos grandes lobbys das compañía eléctricas e da telecomunicación) aos criterios de saúde. Denuncian o incumprimento do Principio de Precaución recollido na Lei Xeral de Saúde Pública, especialmente no ámbito da infancia e da mocidade. Lembremos ademais que a Organización Mundial da Saúde (OMS) catalogou este tipo de campos electromagnéticos como posíbeis axentes causantes de cancro (grupo 2B).

Metrominuto: o peón na cidade

Cesáreo Mosquera

CERNA Nº 69 - Charcas con Vida: os pequenos humidais na túa man

Páx. 30-33

A cidade de Pontevedra foi galardoada co premio europeo Intermodes 2013 que recoñece modelos de mobilidade e políticas de transporte exemplares. Este organismo, patrocinado pola Asociación de Rexións Fronteirizas europeas, o Comité das Rexións da UE e empresas do sector transporte, valorou moi positivamente a política municipal en transporte intermodal e de pasaxeiros. Nomeadamente, destacou a creación do “Metrominuto”, un mapa que sinala as distancias e o tempo de desprazamento a pé aos distintos enclaves importantes da cidade pontevedresa, que foi definido por Intermodes como o primeiro e único mapa de mobilidade peonil en toda Europa. Pontevedra foi a urbe galega que nos últimos anos máis traballou para devolver o espazo urbano aos peóns. Unha aposta arriscada que agora está obtendo recoñecementos internacionais. O concelleiro de Infraestruturas de Pontevedra, Cesáreo Mosquera, cóntanos neste artigo cales foron os principios que se aplicaron na nova definición da cidade.

Os morcegos forestais na Galiza

Xosé Pardavila e Adrián Lamosa

CERNA Nº 69 - Charcas con Vida: os pequenos humidais na túa man

Páx. 34-37

Até o momento, constatouse en Galiza a presenza de 23 especies de morcegos, pertencentes a 10 xéneros e 3 familias diferentes. Segundo o Decreto 88/2007 do 19 de abril, polo que se regula o Catálogo galego de especies ameazadas, 9 destas especies presentes no noso territorio son vulnerábeis. Esta catalogación fai necesaria a realización urxente dun Plan de conservación para estas especies. Porén, polo de agora, a Xunta de Galiza non iniciou a súa tramitación. Neste artigo descubrimos cales son os morcegos forestais que habitan no noso territorio que merecen ser protexidos.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal