Páx. 8-10
A formación xeolóxica do chan galego, as terras máis antergas da Iberia, son as responsables da grande riqueza en fontes de augas mineiro-medicinais na Nosa Terra. Coñecidas desde sempre, foron utilizadas polos romanos, colleron pulo no século XIX para morrer pouco despois da Guerra Civil. Cambios estructurais de senso empresarial poden axudar a facelas retoñar adaptadas as esixencias da actualidade.
Páx. 2-4
Este artigo deixa ver a deixación da Xunta no tocante ao tratamento de residuos sólidos urbanos. Seguidamente da a coñecer as plataformas existentes en contra da icineración e en prol da reciclaxe, ademáis existen diferentes colectivos que se opoñen ás icineradoras en europa, como unha asociación de médicos alemáns que se pronuncian en contra da icineración.
Páx. 5
A obxección fiscal supón un acto de desobediencia civil, que consiste en negarse a pagar ao "Ministerio de Guerra" a porcentaxe dedicada aos gastos militares dentro dos presupostos xerais do estado. É unha forma de facer frente á actitude de conformidade pasiva co modelo de sociedade que nos impoñen e que permite soster este sistema de inxustiza legal.
Páx. 6
A nova PAC vai xerar labregos e labregas cada vez máis arruinados; unha alimentación cada vez máis cargada de residuos de abonos químicos, fitosanitarios ou hormonas; medio ambiente máis deteriorado; o medio rural cada día máis despoboado e as axudas estructurais para os países máis ricos e desenvolvidos.
Páx. 7
A situación dos incendios É certo que a política preventiva de incendios ten efectos positivos, pero nembergantes, esta política necesita unhas melloras e modificacións para baseala nas especies autóctonas caducifolias, onde se contemple a diversidade de usos do monte, e así silvicultura preventiva sexa práctica obrigada.