A contaminación plástica dos nosos mares e océanos. Unha visión desde Galiza

Jesús Gago Piñeiro

CERNA Nº 86 - Especial Vaga eólica II

Páx. 29-30

Nos úlltimos anos a comunidade científica internacional alertou sobre a problemática ambiental relacionada co aumento dramático da entrada e persistencia de materiais plásticos no medio mariño. A presenza de plásticos no ambiente é algo habitual. Basta dar un paseo por calquera praia ou paraxe natural para atopalos en diversas formas e tipos, desde botellas de auga ata bolsas.

Principais resultados do proxecto 1MARDEALOSAS

David José Nachón, Rufino Vieira-Lanero, Sandra Barca Bravo, Alejandro Pico, María del Carmen Cobo e Fernando Cobo

CERNA Nº 86 - Especial Vaga eólica II

O sábalo e a saboga son dúas especies migratorias anádromas, con reprodución fluvial e fase de crecemento mariño, onde pasan a meirande parte da súa vida. A pesares da importancia desta fase, aínda se descoñecen moitos aspectos, como de distribución bioloxía e ecoloxía. Para paliar este déficit xorde o proxecto 1MARDEALOSAS.

A diversidade de aves ao longo de 37 anos no Courel

María Losada, Luis Salaverri, José Guitián e Mar Sobral

CERNA Nº 86 - Especial Vaga eólica II

Páx. 35

As aves son excelentes indicadores de biodiversidade porque as tendencias das súas poboacións son moi sensibles aos cambios ambientais. O estudo do artigo explora como a diversidade de aves cambiou entre 1977 e 2014, en 5 sitios das montañas do Courel. Atopa que o número de especies de aves non cambiou despois de 37 anos, aínda que oito especies variaron na súa abundancia. Así, o estudo amosa que as aves poden manterse en áreas naturais ben conservadas.

Des-vía Ártabra

Ángel Amancio Sotillo Aragunde

CERNA Nº 86 - Especial Vaga eólica II

Páx. 36-37

Vaia por diante, e quede claro dende o principio, que non son técnico, mais si me considero unha persoa cun pouco, bastante, sentido común... Fai anos, moitos anos, nunha remota comarca de Galiza, deseñouse unha folla de ruta para planificar e vertebrar o territorio e a mobilidade, tanto pública como individual. Un obxectivo que podemos, e debemos, definir como de bases ecolóxicas.

Que cidade queremos en Lugo?

Lucía A. Anido

CERNA Nº 86 - Especial Vaga eólica II

Páx. 38-39

ADEGA-Lugo organizou en 2021 as xornadas “Que cidade queremos?”, integradas por catro mesas redondas nas que tratamos de dar resposta a esta pregunta, abordando cuestións como a mobilidade e o desenvolvemento urbano como eixo para a sustentabilidade dos nosos hábitos cotiás. Como imaxe destes encontros, empregamos a escultura da praza do Museo Provincial de Lugo, a obra do escultor Álvaro de la Vega que leva por título Cinco mans que apoian a muralla, reivindicando así a participación cidadá na creación da cidade.

A Coruña, por uns ríos limpos!

Itziar Díaz

CERNA Nº 86 - Especial Vaga eólica II

Páx. 41-42

A cidade da Coruña ten unha clara relación co mar pero, tamén cos ríos. Malia non contar cun curso fluvial destacado inserido na estrutura urbana, o Monelos e algúns regatos menores discorren polo termo municipal, flanqueados por bosque de ribeira. Visibilizar os servizos ecosistémicos que ofrecen os ríos, amosar a súa importancia para a cidadanía da Coruña e sentar as bases para restablecer a relación que perdeu cos espazos fluviais, foron algúns dos obxectivos do programa “A Coruña, Por uns Ríos Limpos!”, desenvolvido por ADEGA coa colaboración e financiamento da área metropolitana do Concello da Coruña.