Inicio / Eucalipto cero, como en Europa!
20/03/2017
Eucalipto cero, como en Europa!... Así se titula o manifesto que encabezará a campaña da plataforma galega "Cousa de Raíces" en contra da eucaliptización masiva do país e a favor do bosque autóctono. A iniciativa, apoiada por máis de 60 colectivos e entidades galegas de diversa índole, será presentada oficialmente mañá, Día Mundial do Bosque. O manifesto avoga por unha moratoria para as novas plantacións de eucalipto, a prohibición expresa da variedade nitens, unha ecotaxa sobre este tipo de cultivos e incentivos para os produtores ou propietarios que diversifiquen os usos do monte ou contribúan a conservar os bosques naturais.