Buscador
17/09/2013 [00:10:00] [5.74 MB]
Presente e futuro das enerxías renovables a debate
É o momento de debater sobre o futuro das enerxías renovables en Galiza. Tras os dous últimos decretos do goberno estatal que incrementa os custos da produción e consumo de electricidade e os recortes parciais ou totais das primas, a situación virou moi difícil tanto para as empresas produtoras como para os consumidores. Nunhas xornadas organizadas mañá e pasado en Vigo polo enxeñeiros industriais galegos reflexionarase sobre este asunto. Adiantamos algo desta reflexión coa axuda de Fernando Blanco Silva, un dos organizadores.
16/09/2013 [00:10:00] [5.74 MB]
Prohibir por lei o uso do cianuro na minaría galega
Os ecoloxistas galegos reclaman ao Parlamento que prohíba o uso do cianuro nas explotacións mineiras de Galiza a través dunha nova lei. Para iso presentaron na cámara a pasada semana unha proposición de lei e outra proposición non de lei baseada nas recomedacións dunha resolución do Parlamento europeo de 2010, na que instaba aos gobernos a restrinxir o uso deste químico nocivo para o ambiente e a saúde humana.
13/09/2013 [00:10:00] [5.74 MB]
Boletín informativo ambiental 13/09/13
Balance sobre os lumes forestais deste ano, movemento ecoloxista contra o uso do cianuro ou novidades sobre o desecado da lagoa da Frouxeira son algunhas das novas que nos deu esta semana Galiza, no ámbito ambiental. Dámos conta destas e de moitas outras neste boletín informativo.
12/09/2013 [00:10:00] [5.74 MB]
Movemento SOP, contra a obsolescencia programada
Os obxectos que consumimos poden durar moito máis tempo do que duran. A obsolescencia programada leva inventada máis de 80 anos para obrigar ás persoas a consumir máis. Pero a capacidade do Planeta para asumir residuos é limitada, polo que hai que ir pensando en cambiar este modelo de mercado. O movemento SOP (sen obsolescencia programada) é un dos colectivos que está a traballar para acabar con esta práctica. Presentámolo neste espazo Cerna.
10/09/2013 [00:10:00] [5.74 MB]
O río Miño, candidato a Patrimonio da Humanidade
Non fomos os galegos e galegas os que tivemos a iniciativa, senón o veciño Portugal. O concello de Caminha lanza a proposta de candidatar o río Miño a Patrimonio Mundial da Humanidade. Con que obxectivos? Descubrímolo co vicepresidente deste municipio ribeirán portugués co que compartimos o pai dos ríos galegos.
09/09/2013 [00:10:00] [5.74 MB]
O certificado de eficiencia das vivendas
Desde hai 3 meses está en vigor o regulamento que obriga a certificar enerxeticamente as vivendas de todo o Estado. En Galiza, o órgano xestor é o Instituto enerxético de Galicia ou INEGA. O obxectivo é que os fogares reduzan o seu consumo enerxético e gañen en sostibilidade. Hoxe preguntámoslle a un dos técnicos que realizan esta clase de certificacións que é a certificación de eficiencia das vivendas, como se fai e quen debe de solicitala, entre outras cuestións.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal