11/10/2013 [00:10:00] [5.74 MB]
Repasamos as novas ambientais dos últimos días, aquí neste espazo de Radio Cerna. Coñéceas!
10/10/2013 [00:10:00] [5.74 MB]
É a segunda vez que a Ribeira Sacra se propón como candidata a Patrimonio da Humanidade. Tras o frustrado intento da Xunta de 2005, que non acadou chegar nin á sede da Unesco, agora son as Deputacións provinciais de Lugo e Ourense as que impulsan unha nova proposta. Parece que desta volta as intencións son serias, mais queda por acadar o apoio de todos os sectores implicados. Entrevistamos a Xosé Manuel Baltar, presidente da Deputación de Ourense.
09/10/2013 [00:10:00] [5.74 MB]
Unha tese doutoral da Universidade de Santiago de Compostela determina cales son os métodos de control máis eficaces contra a flora e fauna exótica invasora en ecosistemas insulares. Un dos casos de estudo foi o Parque Nacional das Illas Atlánticas.
08/10/2013 [00:10:00] [5.74 MB]
Nace un novo portal web dedicado á biodiversidade ameazada de Galiza e do Norte de Portugal. En "biodiversidade.eu" poderemos atopar o rexistro de todas as especies animais e vexetais ameazadas, a súa localización no mapa, as fichas das características de cada unha, rutas de observación de flora ameazada, etc. O web está promovido pola USC, que pretende que sexa a propia sociedade a que o vaia dotando de contidos.
07/10/2013 [00:10:00] [5.74 MB]
Existen ideas empresariais que se desenvolven no rural ou a través do rural e que son innovadoras. Concentralas todas nun mesmo foro de reflexión, debate, e traballo é o obxectivo dos "Estruming days", xornadas técnicas nas que intercambiar experiencias, establecer contactos e nutrirse do coñecemento dos demais. Unha das súas organizadoras, Desirée Vidal, valora a primeira sesión dos Estruming days e cóntanos que temas se van tratar nas seguintes.
04/10/2013 [00:10:00] [5.74 MB]
Coñece as novas dos últimos días no eido medioambiental galego, e tamén as iniciativas en defensa da terra que se propoñen esta fin de semana.