Buscador
04/12/2013 [00:10:00] [5.73 MB]
Euskadi e Cataluña á vangarda da compostaxe en Europa
O alcalde da localidade basca de Hernani e un técnico do Consell comarcal de Pallars Sobirá (Pirineo catalán) expuxeron a súa experiencia coa compostaxe no Foro europeo cara a unha sociedade da reciclaxe organizado por ADEGA. Dous proxectos que se colocan á vangarda da xestión de residuos sostible e que son referencia en toda Europa. Se os queres coñecer, preme no play!
03/12/2013 [00:10:00] [5.74 MB]
Experiencias da compostaxe en Galiza
No Foro Europeo de Residuos organizado por ADEGA tamén se deron a coñecer algunhas das experiencias de compostaxe que se están a desenvolver en Galiza. Coñecemos en concrto a experiencia da organización ecoloxista ADEGA coa compostaxe doméstica e comunitaria (que atende a 3.000 vivendas) e a da Universidade da Coruña, que pretende xestionar os seus residuos orgánicos no propio Campus.
02/12/2013 [00:10:00] [5.73 MB]
A compostaxe como única alternativa na xestión de residuos
Hoxe recollemos en Radio Cerna os testemuños de Alfonso del Val, un dos primeiros investigadores na composta do Estado, e Betariz Martín, voceira de "Composta en Red" no I Foro europeo de Residuos, organizado por ADEGA os días 22 e 23 de novembro en Pontevedra. Ambos os dous, especilistas na compostaxe da materia orgánica xerada nos fogares, analizan a situación desta forma de tratamento dos residuos no Estado e animan ás institucións públicas a apostar por este sistema de reciclaxe.
29/11/2013 [00:10:00] [5.74 MB]
Boletín informativo ambiental 29/11/13
Escoita e coñece cales foron as novas ambientais máis destacadas da semana aquí en Radio Cerna.
28/11/2013 [00:10:00] [5.74 MB]
As Corcerizas, premio “Hostelling International”
Polo uso das enerxías renovables e de materiais sostibles para a construción, o centro educacional de Amigos da Terra, situado no Macizo central ourensán, vén de recibir un premio internacional. As Corcerizas gañou o segundo galardón "Hostelling International", co que se pretende mellorar a súa autosuficiencia enerxética.
27/11/2013 [00:10:00] [5.74 MB]
A custodia territorial de Ridimoas
A asociación cultural-ecolóxica de Ridimoas é a organización galega con máis terreo custodiado. Actualmente conta cunha propiedade de 500 Ha no concello de Beade que pertencen á extensión do bosque de Ridimoas. Alí desenvólvense actuacións de conservación, de educación ambiental, e mesmo produtivas. Imos coñecer máis a fondo o proxecto con David Rodríguez, vicepresidente da asociación.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal