Buscador
01/12/2014 [00:10:00] [5.72 MB]
As fragas de Catasós e a liña eléctrica de Fenosa
Gas Natural-Fenos e os veciños afectados pola liña de alta tensión que cruzaría unha das fragas de Catasós (Lalín) non dan chegado a acordo. Están en xogo 2.000 árbores que se virían abaixo de manterse o trazado proposto por Fenosa. A plataforma que se opón a esta salvaxe deforestación, Salvemos Catasós, pide que se soterre a liña eléctrica e que Fenosa non comece os traballos ata que non se chegue a un acordo.
28/11/2014 [00:10:00] [5.74 MB]
Boletín informativo ambiental 28/11/14
Escoita este espazo informativo no que se resumen as novas de actualidade da última semana relativas ao ambiente e á ecoloxía de Galiza.
26/11/2014 [00:10:00] [5.73 MB]
Unha gasolineira ameaza o río Miño en Lugo
O centro comercial Carrefour, instalado desde os anos 90 a escasos 25 metros da bacía, está a realizar obras para a construción dunha gasolineira ás beiras do río Miño. O proxecto conta xa co aval do concello, da Xunta e da confederación hidrográfica Miño-sil; sen embargo, situar unha gasolineira a escasos metros do río non parece unha idea moi sensata segundo varios colectivos que integran a plataforma miño si, gasolineira non. Neste espazo coñeceremos cal pode ser o impacto ambiental do proxecto en execución.
24/11/2014 [00:10:00] [5.74 MB]
Identidade e alteridade no Outono Fotográfico
A XXXII edición do Outono fotográfico, por primeira vez, está dedicada a unha temática: "Identidade e alteridade". Máis de 120 exposicións de imaxe están a percorrer todo o país amosando estes dous conceptos desde varios puntos de vista que imos comentar co director do proxecto, Xosé Lois Vázquez.
21/11/2014 [00:10:00] [5.74 MB]
Boletín informativo ambiental 21/11/14
Escoita neste espazo de Radio Cerna cales foron os acontecemento da actualidade ambiental máis destacados da última semana...
19/11/2014 [00:10:00] [5.73 MB]
Por unha auditoría pública do déficit tarifario eléctrico
Unha Iniciativa Lexislativa Popular promovida pola Asociación española para a calidade da edificación (ASECE) xa está preto de conseguir as sinaturas suficientes para instar ao Congreso a que debata sobre a necesidade dun marco regulativo que obrigue a auditar o sector eléctrico español e o chamado "Déficit tarifario eléctrico". Por mor deste suposto déficit, todas e todos nós debémoslle ás grandes eléctricas 30.000 millóns de euros. No obstante, ningunha compañía eléctrica ata o momento sufriu unha auditoría que valide esta hipotética débeda pública.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal