Buscador
19/06/2015 [00:10:00] [5.74 MB]
Boletín informativo ambiental 19/06/15
Repasamos as novas ambientais de Galiza da última semana. Tan só en 10 minutos coñece o que está a acontecer no teu medio!
17/06/2015 [00:10:00] [5.74 MB]
Experiencias sostíbeis no monte galego co porco celta
Varias experiencias que se están a desenvolver no monte galego relacionadas co porco celta están a demostrar que son sustentables desde o punto de vista ambiental, social e económico. Neste espazo descubrimos en que consiste un método innovador de manexo de porco celta nos montes galegos promovido pola Asociación de criadores e produtores de porco celta, Asoporcel. Estas experiencias aparecen recollidas na publicación elaborada dentro da campaña "Cousa de Raíces" titulada "Experiencias sostíbeis no monte galego".
15/06/2015 [00:10:00] [5.73 MB]
Experiencias sostíbeis no monte veciñal: Montes de Carballo e Paraños
Neste espazo e no do mércores abordaremos varias experiencias que se están a desenvolver no monte galego que son sostibles e que escapan do modelo produtivo convencional do monte como produtor de madeira de crecemento rápido. Son algunhas das iniciativas recollidas na publicación "Experiencias sotíbeis no monte galego" promovida por ADEGA e outras 50 entidades, dentro da campaña "Cousa de Raíces" a prol do bosque galego. Hoxe coñecemos as experiencias dos montes veciñais de Carballo (Friol) e de Paraños (Covelo).
12/06/2015 [00:10:00] [5.74 MB]
Boletín informativo ambiental 12/06/15
Como todos os venres, hoxe repasamos as novas ambientais máis relevantes da última semana. Coñéceas!
10/06/2015 [00:10:00] [5.74 MB]
Que lle pasa ao solo galego cando pasa de agrario a forestal?
A esta e a outras preguntas quixo dar resposta unha tese desenvolta no Instituto de investigacións Agrobiolóxicas e Galicia e defendida recentemente na USC. Se ben, o cambio de forestal a agrario e a súa incidencia no medio edáfico está máis estudado, esta investigación despexa algunhas dúbidas relativas ao impacto que sofre o solo de cultivo galego logo da súa transformación en terreo forestal, e nomeadamente con especies exóticas. Neste espazo falamos co autor desta tese, Félix Zorita.
08/06/2015 [00:10:00] [5.73 MB]
A avespa do castiñeiro á agarda da loita biolóxica
Din os expertos que non hai outra forma de combater á praga máis recente e perigosa do castiñeiro que a loita biolóxica. A avespa do catiñeiro está xa estendida por toda Galiza desde que se detectara por primeira vez hai un ano. A súa rápida propagación fai que os produtores de castaña demanden unha intervención biolóxica masiva e inmediata. Sen embargo, o Ministerio de Medio ambiente non a autoriza, mentres non obteña os resultados dunha investigación que se está a desenvolver na Estación Fitopatolóxica do Areeiro. Coñecemos os pormenores desta investigación co seu coordinadore e director da institución científica, Pedro Mansilla.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal