21/09/2015 [00:10:00] [5.74 MB]
A USC e o Laboratorio do Territorio convocan a VI edición de Masterterra, o máster de xestión sustentable da terra e do territorio. O obxectivo é formar a futuros profesionais da xestión do territorio baixo a perspectiva da sustentabilidade e a multidisciplinariedade. Neste espazo entrevistamos ao coordinador de Masterterra, o profesor David Miranda, quen nos explica cal vai ser o tipo de formación impartida. O vindeiro 2 de outubro remata o prazo para inscribirse!
18/09/2015 [00:10:00] [5.74 MB]
Coñece as novas ambientais da semana máis relevantes en Galiza!
16/09/2015 [00:10:00] [5.74 MB]
Neste espazo de Radio CERNA coñecemos o informe "Pobreza enerxética en España" do ano 2014, elaborado polo Instituto Economics for Energy para determinar como está a afectar a pobreza enerxética no conxunto da sociedade española. Os prezos da enerxía, a situación da vivenda ou o desemprego son algunhas das causas que determinan que unha familia estea a sufrir a "pobreza enerxética". Tamén analizamos as súas causas.
14/09/2015 [00:10:00] [5.74 MB]
O proxecto Phocoeval tratará de coñecer en profundidade o estado de conservación da toniña, unha especie de cetáceo que actualmente está catalogada como vulnerable. Pero investigadores da CEMMA consideran que a súa categoría de protección debería ser maior xa que cren que se atopa en perigo de extinción. Para poder comprobalo e instar ao Ministerio a que eleve o rango de protección da toniña, a CEMMA comezou a pasada semana unha investigación por mar e aire que está agora en pleno desenvolvemento.
11/09/2015 [00:10:00] [5.74 MB]
Como todos os venres, repasamos a actualidade ambiental galega da última semana.
09/09/2015 [00:10:00] [5.73 MB]
Con Toño Maño, afeccionado ao mundo das quenllas e autor do blog "tiburonesengalicia.blogspot.com.es", achegámonos ao coñecemento básico destes animais mariños que tamén están presentes en Galiza. Saberemos se son perigosos e que características teñen os que se achegan ás costas galegas.