Buscador
01/02/2016 [00:10:00] [5.74 MB]
Reacción social á prórroga de ENCE
O anuncio da prórroga de ENCE caeu como unha xarra de auga fría entre os colectivos, entidades e institucións contrarias á súa permanencia na ría máis alá de 2018 e que conforman o movemento "Ence fóra da ría para sempre". Aínda así consideran que aínda se pode facer algo para frear o que cualifican a "sentenza de morte" da ría pontevedresa. Falamos coas asociacións ADEGA, APDR e Salvemos Pontevedra.
29/01/2016 [00:10:00] [5.73 MB]
Boletín informativo ambiental 29/01/16
Escoita este espazo de Radio Cerna para coñecer as novas ambientais máis destacadas desta última semana: prórroga de Ence, lei acuicultura, nova sentenza do Prestige...
27/01/2016 [00:10:00] [5.73 MB]
Investigación inédita sobre o comportamento xeomorfolóxico dos ríos galegos
Xesús Horacio García, un xeógrafo lucense, vén de gañar o I Premio Manuel de Terán pola súa tese sobre a xeomorfoloxía dos ríos galegos. É a primeira tese que se realiza sobre xeomorfoloxía fluvial en Galiza. A erosión, arrastre, sedimentos ou transporte dos ríos galegos analizados permiten predicir o comportamento dos ríos ante posibles actuacións ou intervencións humanas, por iso, o investigador galardoado insta a que a xeomorfoloxía sexa un parámetro ineludible na planificación fluvial. Os encoros, segundo o investigador, son o factor artificial que máis incide no bo estado xeomorfolóxico dos ríos.
25/01/2016 [00:10:00] [5.74 MB]
Datos sobre a superficie forestal galega: Proxecto Landra
O Proxecto Landra intenta promover iniciativas que busquen o equilibrio entre a industria e o patrimonio forestal galego. O primeiro paso foi recompilar os datos sobre o inventario da superficie con especies autóctonas e exóticas, e os datos son alarmantes. O segundo é poñer a andar un laboratorio vivinte no que se experimenten xeitos de produción sostibles e tamén rendibles. Escoitamos ao seu promotor.
22/01/2016 [00:10:00] [5.74 MB]
Boletín informativo ambiental 22/01/16
Coñece con Radio Cerna a actualidade ambiental galega. Preme e escoita!
20/01/2016 [00:10:00] [5.74 MB]
A nova reserva ornitolóxica de SEO no Grove
É a reserva ornitolóxica de SEO/Birdlife máis grande de todo o Estado e a primeira que abarca medio mariño. Tamén é a primeira destas características en Galiza. Trátase dun proxecto de custodia ambiental que se desenvolverá nos vindeiros anos nunha zona de especiais valores ambientais a través de actividades didácticas, de investigación ou de turismo sostible, entre outras. O representante de SEO en Pontevedra explícanos en que consiste a primeira reserva ornitolóxica custodiada de Galiza.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal