14-01-2015
ADEGA entregou hoxe os premios da IV Convocatoria dos Concursos de fotografía, relato e curtametraxes polo Territorio, que se enmarca na campaña de ADEGA por unha ordenación sostible do territorio "Ponte no medio. Móvete polo Territorio". A entrega dos galardóns tivo lugar no Salón de Actos da Deputación de Lugo coa presenza dos distintos membros dos xurados, membros da organización ecoloxista ADEGA e do delegado da Área de Cultura da Deputación de Lugo, Mario Outeiro, departamento que desde o seu comezo apoiou este proxecto.
É xa o cuarto ano que ADEGA convoca estes concursos para que a sociedade galega retrate o estado actual do territorio galego a través da imaxe e da palabra. Nesta IV edición dos Concursos de fotografías e de relatos e III Edición do Certame de curtametraxes presentáronse 83 fotografías de 32 participantes, 47 relatos de 45 participantes e 12 curtametraxes de 10 participantes procedentes de toda a xeografía galega: Mugardos, Agolada, Lalín, Lugo, Cerceda, As Nogais, Vilar de Santos, A Estrada, Sober, Ferrol, Cedeira, Ourense, Ribeira, Brión, Arbo, Pontecesures, Salceda de Caselas, Nigrán...
A continuación indicamos cales foron as persoas galardoadas e finalistas de 2014. Para consultar as obras premiadas, só haberá que premer sobre os seus títulos.
CATEGORÍA ADULTA:
-Gañador: “Sobrevivir” de Iván Álvarez Merayo. Quiroga. (200 Euros e Diploma).
-Finalistas:
CATEGORÍA ADULTA:
Gañador: “Tempos verbais, tempos mortos” de María Teresa Iglesias Yugat. Santiago. (250 Euros e Diploma).
Finalistas:
1ºPremio Unha do montón from ADEGA on Vimeo.
CATEGORÍA ÚNICA:
1º Premio: “Unha do montón” de José Marcelino Saavedra Martínez. Ferrol. (250 Euros e Diploma).
2º Premio: “Uña de gato” de Estela Suarez Recouso. (150 Euros e Diploma).
Finalistas:
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal