 Este 28 de abril realizamos o primeiro Roteirríos de 2013. Desta volta percorremos un itinerario polo curso alto do río Lérez, no concello de Forcarei. Logo de adiar o roteiro en dúas ocasións polo mal tempo, á terceira foi a vencida. Iniciamos o roteiro quedando cos participantes na vila de Forcarei para desprazármonos até a aldea de Dúas Igrexas. Dende alí comezamos a camiñar cara o río que pasa a escasos 500m de dito lugar. Antes de chegar ao río e comezar a andar polo camiño de pescadores, Ramsés Pérez, comentou aos asistentes os detalles do itinerario e os diferentes motivos polos que se escolleu o río Lérez. |
|
Ler máis...
|
|
 30 de abril de 2013. En relación á recente sentenza da Audiencia Provincial de Lugo absolvendo de delicto contra o medio ambiente aos responsábeis e director facultativo da canteira "Angelita" de Muras que dende 2003 ao 2006 forneceu de pedra á Cidade da Cultura, dende ADEGA anunciamos que será recorrida. O fallo, a pesares de recoñecer que se tratou dunha actividade ilegal por carecer de licenzas, incumprir a declaración de impacto e invadir un espazo da Rede Natura 2000, non recoñece a presenza de hábitats prioritarios minimizando o dano ecolóxico, a teor dun informe do "Instituto de Investigaciones Tecnológicas" da USC asinado polo Prof. Felipe Macías (o mesmo que avalou os eólicos no Xistral). Dito informe é manifestamente falso e lixa o prestixio dunha institución, a USC, que debera realizar con urxencia unha auditoría científica e económica do dito IIT. A USC non pode prestarse a fabricar mentiras para defender un negocio privado! |
|
Ler máis...
|
 25 de abril de 2013. ADEGA considera gravísimos os feitos postos de manifesto pola investigación da Fiscalía Ambiental, coa masiva concesión de licenzas de caza ilegais no Servizo de Conservacion da Natureza da Coruña, caso que instrúe o xulgado nº 3 da Coruña. Estas licenzas déronse presuntamente ao marxe da lei, sen que os "beneficiarios" realizaran o preceitivo exame do cazador, e pagando en compensación unha "mordida" aos conseguidores da administración. ADEGA esixe o cese inmediato do xefe do Servizo de Conservación na Coruña Carlos Muñoz Martínez, ao parecer titular tamén dunha destas licenzas, e do Director Xeral de Conservación García-Borregón: Ou non coñecían estes graves feitos acontecidos durante anos baixo o seu nariz, ou sabían destas prácticas corruptas e as promoveron ou toleraron. |
|
Ler máis...
|
 23 de abril de 2013. En ADEGA seguimos a traballar a temática dos residuos co obxectivo de reducir a súa xeración e camiñarmos cara ao residuo cero. Desta volta, tentaremos sacar do contentor de SOGAMA a roupa para que se reutilice ou, de non ser posíbel, reciclar os seus materiais. Para iso, acabamos de unirnos á rede de recollida de roupa Equus Zebra, unha ONGD que traballa na Coruña fomentando a reutilización e a reciclaxe téxtil e criando postos de traballo entre a poboación en risco de exclusión social. As nosas sés de Compostela e Lugo funcionan dende xa como puntos de recollida. E lembra que coa túa colaboración tamén contribúes a reducir o volume de refugallos que vai ao vertedoiro e aos fornos de SOGAMA.
|
|
Ler máis...
|
|
 22 de abril de 2013, Día da Terra. ADEGA celebra o Día da Terra cunha semana de actividades e propostas para contribuirmos con solucións e compromiso a enfrontarmos os problemas ambientais, quer o cambio climático. Este ano as Nacións Unidas propoñen a colaboración das persoas e comunidades para poñerlle cara ao cambio climático, un problema global que está ficando nun segundo plano debido á crise económica, e que xa ten repercusións na nosa vida diaria. Para a expoñer en positivo as iniciativas para combater o cambio climático, ADEGA proponvos participar nun Encontro Solar (24 de abril na UDC); coñecer a iniciativa sobre o Camiño Escolar (26 de abril) que vai comezar en Carballo; formarte como auditor/a dos nosos ríos (27 de abril) ou participar nun roteiro para coñecer os proxectos de custodia fluvial (28 de abril).
|
|
Ler máis...
|
|
 18 de abril de 2013. Representantes da Comisión Promotora da ILP "PARA A APLICACIÓN EFECTIVA DOS PRINCIPIOS DE REDUCION, REUTILIZACIÓN E RECICLAXE DE RESIDUOS EN GALIZA" vimos de reuirnos co grupo parlamentar do PP para lle demandar un posicionamento a favor da toma en consideración desta iniciativa. Pedro Puy, voceiro parlamentar do PP, comprometeuse cando menos a non demorar a inclusión na orde do día do Pleno, e a que a ILP da reciclaxe sexa debatida denantes do verán. Trátase dunha boa nova, que garante que a iniciativa dos máis de 21.000 galegos e galegas que apoiaron esta ILP non vai ficar esquecida nun caixón, mais non implica que o grupo maioritario a vaia apoiar.
|
|
Ler máis...
|
|
|
|
|
<< Inicio < Anterior 1 2 3 4 5 6 7 8 9 10 Seguinte > Final >>
|
|
Páxina 5 de 47 |
Últimas novas
Subscribir a fonte RSS