Adega
INICIO Últimas novas "Charcas con Vida", novo proxecto de ADEGA que une custodia, EA e voluntariado
"Charcas con Vida", novo proxecto de ADEGA que une custodia, EA e voluntariado PDF Imprimir Correo-e
Envia "Charcas con Vida", novo proxecto de ADEGA que une custodia, EA e voluntariado a FaceBookEnvia "Charcas con Vida", novo proxecto de ADEGA que une custodia, EA e voluntariado a Twitter

Logo300CMYK22 de xaneiro de 2013. Este día presentouse o proxecto "Charcas con Vida" no concello de Pontrevedra. Custodia do territorio, educación ambiental e voluntariado ambiental únense neste proxecto para dar a coñecer os pequenos humidais de Galiza, contribuíndo á conservación do patrimonio e da natureza. A iniciativa ten como obxectivo divulgar a importancia das charcas como espazos de alto valor patrimonial, tanto cultural como natural, e fomentar comportamentos e prácticas que axuden ao seu coñecemento e conservación. O vindeiro 2 de febreiro (Día Mundial dos Humidais) ADEGA celebrará unhas xornadas no Pazo da Cultura de Pontevedra sobre a importancia da conservación das charcas. Baixa o pdfPROGRAMA(0,7 MB).

O pasado mes de decembro a Fundación Biodiversidade (Ministerio de Medio Ambiente e Medio Rural e Mariño) publicou a resolución final da convocatoria de axudas para a realización de actividades no ámbito da biodiversidade, o cambio climático e o desenvolvemento sostible. ADEGA foi unha das 4 entidades galegas (xunta co CEIDA, CEMMA e Lonxanet) seleccionadas, co seu proxecto Charcas con Vida.

Para o desenvolvemento do proxecto ADEGA asinará proximamente un convenio de colaboración co CIBIO (Centro de Investigaçao em Biodiversidade e Recursos Genéticos) entidade que desenvolve un programa semellante (Charcos com vida) en Portugal e coa cal se traballará en rede para conseguir obxectivos comúns e intercambio de contidos.

No encontro que se celebrará en Pontevedra participarán diferentes representantes de entidades relacionadas coa conservación e investigación destes espazos naturais procendentes de Menorca, Portugal e Galiza. Finalmente presentarase a inicitiva Charcas con vida. Será un evento financiado polo concello de Pontevedra.

Máis info:
Lucía Parente                  Ramsés Pérez
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo              Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
649 611 508                     616 238 050

Joomla Templates and Joomla Extensions by ZooTemplate.Com
 

Redes sociais

adegafacebook

twittergal



ADEGA