Adega
INICIO Novas de custodia fluvial Continúan as saídas no proxecto de Custodia Fluvial Umia Ulla Lérez
Continúan as saídas no proxecto de Custodia Fluvial Umia Ulla Lérez PDF Imprimir Correo-e
Envia Continúan as saídas no proxecto de Custodia Fluvial Umia Ulla Lérez a FaceBookEnvia Continúan as saídas no proxecto de Custodia Fluvial Umia Ulla Lérez a Twitter
O pasado mércores 4 de maio, varios representantes de asociacións acudiron á saída programada no concello da Estrada. Os participantes fixeron unha inspección do río Liñares para que se foran habituando á toma de datos, observación do hábitat e identificación de macroivertebrados. As asociacións que se achegaron á Estrada foron: Asociación pola defensa do Val do Liñares, Asociación A Xesteira , Asociación de mulleres rurais de Barreira (Rio Bo) e Asociación de veciños A Sobreira de Callobre. Do concello de Forcarei achegouse un representante da CMVMC de San Miguel de Presqueiras. Todas elas asinaron o compromiso de facer unha saída no seu río nos vindeiros días da campaña de primavera, algúns de eles incluso farán 3 inspeccións.

Ao día seguinte a saída foi no concello de Valga. Alí uns 30 rapaces e rapazas do CPI Baño Xanza se achegaron ao río Carballiño, pretiño do colexio para facer a inspección, puideron comprobar un bo estado do río coa identificación de macroinvertebrados e coas valoración dos índices físico-químico e hidromorfolóxico.

O sábado 7 tocoulle o turno aos concellos de Caldas, Cuntis e Portas. Combinouse unha saída para o sábado de mañá, á que asistiron integrantes da Fundación Xesús González Aboi e un grupo de particulares. Fixemos un pequeno roteiro pola beira do río Umia, aínda que a inspección foi mais tarde no río Follente. A chuvia non tardou en aparecer, polo que a identificación de macroinvertebrados quedou para este mércores 11 de maio. Puidemos comprobar varios impactos como a presenza dun taller, canalizacións, plantas invasoras, unha escaleira de cemento até a beira do río ou herbicidas nas leiras colindantes. Pese a estes impactos, na rápida mostraxe de macroinvertebrados capturamos un limpafontes común (Triturus boscai) que quizáis estaba a procura dun lugar máis tranquilo.

< Ante
Joomla Templates and Joomla Extensions by ZooTemplate.Com
 


ADEGA