Lugo, a 30 de maio de 2013.- Desde ADEGA amosamos a nosa satisfacción parcial pola sentenza que vén de ser emitida polo Tribunal Superior de Xustiza de Galiza (TSXG ) a favor da Confederacion Miño-Sil e en contra do recurso contencioso-administrativo presentado polo Concello de Vialba en 2011. Neste procedemento, no que estaba personada ADEGA, o Concello recorría unha multa de 4.000 euros que a Confederación Hidrográfica Miño-Sil lle impuxo por infrinxir a Lei de Augas ao permitir vertidos continuos no Río Ladra desde a estación depuradora do Concello; vertidos denunciados reiteradamente por ADEGA nos últimos anos.
|
Ler máis...
|
|
Lugo, 27 de maio de 2013. Dentro da campaña “PONTE NO MEDIO. MÓVETE POLO TERRITORIO”, e dentro do proxecto “Cultura e Territorio” ADEGA pon en marcha un ciclo documental este mércores 29 de maio ás 20h no Museo Provincial de Lugo. Nesta primeira sesión do ciclo, proxectaranse dúas pezas documentais; “A memoria da lingua” e “A lingua galega, reflexións na etapa Feijoo”, tralas proxeccións procederase a realizar unha charla-coloquio cos autores das obras audiovisuais e un representante da Mesa pola Normalización Lingüística.
|
Ler máis...
|
Lugo, 23 de maio de 2013. A Plataforma Cidadá Muralla Viva, formada por varias entidades como ADEGA, A Cova da Terra, AENDA/AVAFES e coa colaboración de Luz Darriba, a Sociedade Galega de Ornitoloxía e XAN (Xestión agrogandeira e natureza) convoca a toda a cidadanía de Lugo para mañá, 24 de maio, a participar nunha xeira de actividades de celebración do Día Mundial das Aves Migratorias. Este día conmemórase por primeira vez en Lugo dando a benvida simbólica á colonia de cirrios máis importante de Galiza: a que habita o noso monumento Patrimonio da Humanidade e que chega a finais de abril para estar só tres meses connosco. O acto tamén servirá para manifestar o rexeitamento social á fumigación da Muralla con produtos tóxicos para as aves e outros animais, ademais de para as persoas.
|
Ler máis...
|
Este vindeiro domingo 26 de maio, celebrarase o penúltimo roteiro de ADEGA-Lugo pola Galiza máxica ou encantada. Este roteiro enmárcase no programa de roteiros 2012-2013 que pronto terá remate, no mes de xuño. Desta volta, non queremos despedirnos deste curso sen visitar os espazos nos que transcorren as innumerables lendas da Mariña luguesa, nomeadamente non concello de Xove. Aquel litoral máxico seranos guiado pola Asociación Mariñapatrimonio, entidades colaboradora con ADEGA, que coñece mellor que ninguén os valores patrimoniais e culturais da zona. Para participar neste roteiro titulado "Da Pena do Frade ao tesouro de Ceranzos" haberá que reservar praza chamando ao 982240299 ou 679113718 antes do vindeiro venres. Para máis información, descarga o CARTAZ.
|
Ler máis...
|
Lugo, 2 de maio de 2013. ADEGA, AEMS-Ríos con Vida e a Asociación Galega de Custodia do Territorio, promotores do estudo de inundabilidade do Rato que agora condiciona a aprobación do 5% do PXOM de Lugo, valoraron hoxe en rolda de prensa as responsabilidades que o Concello de Lugo, a Confederación Hidrográfica do Miño-Sil e a Consellaría de Medio ambiente, Infraestruturas e Territorio teñen ao respecto da ordenación da bacía medio-alta do río Rato e de reparar as deficiencias que estes colectivos ecoloxistas atoparon no novo Planeamento Urbanístico da cidade en canto ao grafado e os erros de cualificación do solo que pertence ao dominio público hidráulico e onde se prevén varias edificiacións sobre o leito fluvial e as marxes inundables.
|
Ler máis...
|
|
|
|
<< Inicio < Anterior 1 2 3 4 5 6 7 8 9 10 Seguinte > Final >>
|
Páxina 2 de 26 |