Coa chegada do verá, animámosvos a gozar dos nosos ríos e dar un grande chimpo nas frías augas do teu río máis próximo.

O "BIG JUMP" é unha iniciativa da European Rivers Network (ERN) secundada por distintas organizacións europeas. Trátase de celebrar unha xornada festivo-reivindicativa nos ríos para reclamar a súa protección efectiva a través da aplicación da Directiva Marco da Auga. Está apoiada por unha manchea de organizacións ecoloxistas e sociais eur opeas, entre elas ADEGA en Galiza.

O domingo 14 de xullo vai ao teu río, da o chimpo, saca unha foto e mándaa a ADEGA ( Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ). Colabora con ADEGA e o Proxecto Ríos na defensa dos nosos cursos fluviais.