O Proxecto Ríos continúa cos Conversarríos deste ano. Temos programados para esta semana dous video-forums, emitiremos dous documentais que versan sobre os problemas ambientais e sobre a diversidade dos ecosistemas fluviais.

O vindeiro martes 22 de novembro proxectarase o filme “Apaga y Vámonos” ás 17:30. Esta película-documental foi rodada no ano 2005 en Chile, dirixida por Manuel Mayol Riera, retrata o conflicto do pobo mapuche-pehuenche (Chile) coa multinacional española ENDESA.  

O mércores 23 (tamén ás 17:30) poderemos asistir á proxección dun documental de David Attenborough, no cal recorre o río Amazonas dende o seu nacemento nos andes peruanos até o seu xigantesco delta na costa de Brasil. Neste documental amósanse algúns exemplos da extraordinaria vida salvaxe que habita neste gran río.