Do 09-02-2021 ao 17-03-2021

Aldeas con Horizonte: Asina o manifesto

ADEGA forma parte da rede de colectivos e plataformas que promoveron o manifesto ALDEAS CON HORIZONTE. ASINA, difunde e apoia a moratoria de novos parques eólicos e a derrogación do marco normativo que favorece o actual modelo depredador co rural galego e que se concreta na Lei 8/2009 de aproveitamento eólico de Galiza, no Plan Sectorial Eólico aprobado en 1997 e modificado en 2001, e na Lei 5/2017 de fomento da implantación de iniciativas empresariais. Así mesmo, reclamamos a elaboración en Galiza dun novo marco normativo que promova un modelo de desenvolvemento eólico máis social, ecolóxico e racional, que protexa o territorio e as comunidades rurais de proxectos eólicos abusivos e insostíbeis.

O novo marco normativo debería fundamentarse, cando menos, nos seguintes 15 PRINCIPIOS:

1. Planeamento eólico para a unha transición ecolóxica ordenada e xusta. 
2. Democratización e soberanía enerxética.  
3. Aforro, eficiencia e autosuficiencia enerxética.  
4. Repotenciamento fronte novas instalacións.   
5. Fomento do autoconsumo e a produción a pequena escala.  
6. Iniciativa pública e comunidades enerxéticas fronte a privatización dos beneficios.  
7. Concesións públicas fronte a autorizacións administrativas.
8. A expropiación de terras como última opción.  
9. Consulta pública real e efectiva.  
10. Penalizacións contundentes contra da fragmentación dos proxectos.  
11. Compatibilidade coa normativa vixente en materia ambiental, patrimonial e da paisaxe.  
12. Novas zonas de exclusión e plan de eliminación progresiva en Rede Natura.  
13. Maiores distancias aos núcleos de poboación. 
14.  Asesoramento e mediación regrada fronte contratos abusivos. 
15. Exclusión de empresas de dubidosa reputación. 

Galiza, a 19 de Novembro de 2020.

Ligazóns

• Asina o manifesto en Change.Org